Ubwo Chelsea izaba icakirana na Arsenal kuri uyu wa Kabiri muri English Premier League, ishobora gukina idafite Cole Palmer, umukinnyi umaze kuyitsindira ibitego byinshi.
Umwongereza w'imyaka 21 y'amavuko Cole Palmer, kugeza ubu ari mu bakinnyi bafite ibitego byinshi muri English Premier League kuko anganya ibitego na Erling Haaland.
Umutoza wa Chelsea Mauricio Pochettino, yamaze kuvuga ko Cole Palmer atazakina umukino wa Arsenal kubera ko afite uburwayi busanzwe.
Mauricio Pochettino yagize ati: "Tuzareba uko azaba ameze mu gitondo cyo ku wa Kabiri. Gusa amahirwe menshi ni uko atazagaragara mu mukino. Ndatekereza ko nubwo yaba ari muzima, ntabwo yaba ari mu buryo bwiza bwo gukina. Gusa turizera ko azakira vuba."
Kugeza ubu Chelsea ishobora kuzakina na Arsenal idafite Cole Palmer, ni iya cyenda muri English Premier League, ikaba irushwa amanota atatu nk'ikipe ya karindwi.
Gukina na Arsenal idafite Cole Palmer, ni igihombo gikomeye cyane kubera ko Palmer ari umwe mu bakinnyi bafite ibitego byinshi.
Ku ruhande rwa Arsenal, ikaniye umukino izacakirana na Chelsea, kubera ko iri kurwana nuko yabona igikombe cya English Premier League iheruka mu myaka 20 ishize.
Kugeza ubu, Arsenal iri mu ntambara y'igikombe aho igihanganiye na Liverpool na Manchester City.
Kugeza ubu Arsenal na Liverpool zinganya amanota 74, Arsenal ikaba iya mbere kubera izigamye ibitego 51, Liverpool ikaba izigamye ibitego 43.
Manchester City ni iya gatatu n'amanota 73 gusa yo imaze gukina imikino 32, mu gihe Liverpool na Arsenal zimaze gukina imikino 33.
Kuri uyu wa Kabiri Chelsea ishobora kuzakina na Arsenal idafite Cole Palmer unganya na Haaland ibitego 20 muri Premier League
Eng
RSS 
TANGA IGITECYEREZO