Cristano Ronaldo ukinira ikipe y'igihugu ya Portugal uri mu mikino y'igikombe cy'isi akomeje gucanga benshi, nyuma y'amashusho yagiye hanze mu mukino wa mbere batsinzemo Ghana.
Umukino ubanza mu itsinda H mu gikombe cy'isi, ikipe y'igihugu ya Portugal yatangiye itsinda Ghana ibitego 3-2. Uyu mukino wabaye kuwa Kane saa kumi n’ebyiri, ubera kuri Stadium 974.
Cristano Ronaldo niwe watsinze igitego cya 1 kuri Penariti, ahita akora amateka yo kuba umukinnyi wa mbere utsinze igitego mu bikombe 5 by'isi bitandukanye. N’ubwo Cristiano Ronaldo yakoze amateka ariko, hari amashusho ndetse n'ifoto ikomeje guteza amagambo ndetse inacanga benshi.
Cristano Ronaldo akura ibintu mu ikabutura mu mukino hagati
Mu mashusho yagiye hanze ejo kuwa Gatanu, Cristano Ronaldo ku munota wa 36 mu mukino hagati batsinzemo Ghana, yakoze mu ikabutura akuramo ibintu abishyira mu kanwa, arangije arabirya. Kuva aya mashusho yajya hanze, abantu bakomeje kwibaza icyo uyu mukinnyi yashyize mu kanwa ndetse n’icyo yabikoreye ariko kirabura.
Cristano Ronaldo ashyira ibintu mu kanwa
Nk’uko byasobanuwe n'ibinyamakuru byo muri Portugal, ngo Cristano Ronaldo ibyo yariye byari ibimwongerera imbaraga. Ikipe y'igihugu ya Portugal mu mikino y'igikombe cy'isi cy'uyu mwaka kiri kubera muri Qatar, izakomeza gukina kuwa Mbere saa tatu z'ijoro ikina na Uruguay kuri Lusail Stadium.
Eng
RSS 
TANGA IGITECYEREZO