Nyuma y'iminsi 4 ikipe y'igihugu ya Tanzania 'Taifa Stars' yirukanye Umurundi wayitozaga Etienne Ndayiragije kubera umusaruro mubi, yamaze kubona umusimbura we, ukomoka muri Denmark witwa Kim Poulsen, usanzwe uzwi muri icyo gihugu.
Mu Cyumweru gishize nibwo Ishyirahamwe ry’Umupira w’amaguru muri Tanzania 'TFF' ryatangaje ko ryamaze gutandukana na Ndayiragije Etienne watozaga Taifa Stars nyuma y'umusaruro mubi yavanye muri CHAN 2020.
Byasabye iminsi ine gusa kugira ngo uyu murundi asimbuirwe mu ikipe y'igihugu ya Tanzania.
Binyuze ku rukuta rwa Instagram rwa 'TFF', batangaje ko umunya-Denmark Kim Poulsen ari we wagizwe umutoza mukuru wa Taifa Stars.
Poulsen w'imyaka 61 y'amavuko yasinye amasezerano y'imyaka itatu azatoza Taifa Stars.
Si ubwa mbere Poulsen agiye gutoza muri Tanzania kuko hagati ya 2012 na 2013 yatoje ikipe y’igihugu y’ingimbi za Tanzania nyuma nabwo yari avuye muri Taifa Stars.
Guhera mu 2016-2018, Poulsen yari ashinzwe iterambere ry'ikipe y'igihugu ya Tanzania, mbere yo gusubira iwabo gutoza ikipe ya Sonderborg.
Uyu mutoza agomba gutangira akazi ku mikino yo gushaka itike y'igikombe cya Afurika CAN 2021, izakinwa mu kwezi gutaha ndetse n'imikino yo gushaka itike y'igikombe cy'Isi kizabera muri Qatar 2022.
Poulsen yagizwe umutoza mukuru wa Taifa Stars ya Tanzania
Poulsen si ubwa mbere atoje Tanzania
Eng
RSS 
TANGA IGITECYEREZO