Miss Aurore Kayibanda n'umukunzi we Egide Mbabazi bakoreye ubukwe muri Leta Zunze Ubumwe za Amerika. Ubukwe bw'aba bombi bwagizwe ibanga rikomeye cyane mu itangazamakuru. Nk'uko Inyarwanda.com ibikesha bamwe mu bakurikiranira hafi ubuzima bw'aba bombi ngo basezeranye imbere y'amategeko gusa.
Kuri iki Cyumweru tariki 29 Nyakanga 2018 ni bwo Miss Mutesi Aurore Kayibanda wabaye Miss Rwanda mu mwaka wa 2012, yasezeranye imbere y'amategeko na Mbabazi Egide ko bagiye kubana byemewe n'amategeko nk'umugore n'umugabo, aba bakaba basezeraniye muri Leta ya Maine i Portland ari naho batuye. Aba bombi biyemeje kubana byemewe n'amategeko mu gihe gahunda zikurikiye z'ubukwe zo bitaramenyekana neza igihe zizabera.
Muri Gashyantare 2018 ni bwo abantu batunguwe no kubona amafoto ya Egide Mbabazi yambika impeta Miss Aurore Kayibanda. Aya mafoto yaratunguranye, cyane ko abantu n'ubwo bari bazi ko bakundana ariko nta kimenyetso na kimwe cy'uko bari bagiye kwambikana impeta aba bombi bigeze bagaragaza.
Miss Aurore Kayibanda wasezeranye na Egide Mbabazi
Egide Mbabazi ni uku yari yambaye
Mu modoka bagiye gusezerana
Ni ubukwe butatashywe n'abantu benshi cyane ko bwatashywe n'abantu bake barimo na Miss Bahati Grace wa gatatu uhereye iburyo akaba yegeranye na Miss Aurore Kayibanda
Eng
RSS 
TANGA IGITECYEREZO