Ku wa kabiri tariki 29 Nzeri 2020, komite y’inzibacyuho ya Rayon Sports iyobowe na Murenzi Abdallah yagiranye inama n’abayobozi b’amatsinda y’abafana(Fan Clubs), bemera ko bitarenzie tariki 05 Ukwakira 2020, bazaba batanze miliyoni 13,150,000 Frw, muri gahunda iyi kipe ifite yo kugura Abakinny 5 bakomeye.
Murenzi Abdallah yatangaje ko kugira ngo iyi kipe igure abakinnyi bakomeye bifujwe n'umutoza bisaba miliyoni 80 Frws.
Biravugwa ko miliyoni 32 Frws zizatangwa ku bakinnyi babiri rurangiranwa bazaturuka muri shampiyona ya Repbulika Iharanira Demokarasi ya Congo, bakina mu makipe akomeye arimo TP Mazembe.
Muri iyi nama, Murenzi Abdallah, yavuze ko Rayon Sports igomba kubeshwaho n’abakunzi bayo nk’ibisanzwe bituma nabo biva inyuma biyemeza gukusanya miliyoni 13.
Abayobozi b’amatsinda ya Rayon Sports agera kuri 40 ni yo yitabiriye iyi nama, bakaba baremeye ko mu rwego rwo gufasha ikipe kwiyubaka bagiye gutanga miiliyoni 13,150,000 Frw, akazatangwa bitarenze Tariki ya 5 Ukwakira 2020.
Mu bindi bemeranyijwe muri iyi nama, harimo gufatanya mu byiza, ibyago no kwirinda icyabatandukanya.
Hemejwe ko bakomeza kuba hafi ikipe hashakwa ibisubizo bitandukanye mu buryo burambye no gukora ibishoboka byose bagatera inkunga ikipe mu buryo bwihuse.
Amakuru agera ku Inyarwanda avuga ko rutahizamu witwa Deo Kanda wakiniye Simba SC na TP Mazembe afite amahirwe menshi yo gusinyira Rayon Sports bigendanye n’uko ibiganiro yagiranye n’umutoza Guy Bukasa byagenze, gusa uyu mukinnyi ngo ari kwifuza kugurwa amafaranga menshi n’umushahara w'umurengera.
Komite y'inzibacyuho ya Rayon Sports imaze kugura myugariro Niyigena Clément, waguzwe muri APR FC, akaba yari kapiteni wa Marines FC yakinagamo nk’intizanyo.
Abafana ba Rayon Sports biyemeje gutanga miliyoni 13 Frws mu cyumweru kimwe
Abakinnyi batanu bashya kandi bakomeye mu biganiro na Rayon Sports
Eng
RSS 
TANGA IGITECYEREZO