Abakobwa barindwi bemerewe guhagararira Intara y'Amajyepfo muri Miss Rwanda 2020-AMAFOTO

Binyuze ku rubuga rw’irushanwa rya Miss Rwanda, abakobwa 79 ni bo bari bariyandikishije ariko abagera kuri 29 gusa nibo babashije kuhagera naho 17 buzuza ibisabwa bemererwa guca imbere y’akanama nkemurampaka.

Aba bakobwa bose baciye imbere y’akanama nkemurampaka kari kagizwe na Mike Karangwa, Miss Mutesi Jolly na Evelyne Umurerwa, bakabazwa ibibazo bitandukanye. Bose bakoreshaga ururimi rw’ikinyarwanda.

Nyuma yo kurangiza kubaza, akanama nkemurampaka kiherereye mu gihe cy’iminota 30 kagaruka gatangaza abakobwa barindwi bagomba kuzajya muri ½.

Abo ni Imanishimwe Hope Joy, Musana Teta Hense, Umwariwase Claudette, Igihozo Diane, Ingabire Jolie Ange, Umutoniwase Carine na Mumporeze Josiane.

Aba bakobwa baje biyongera ku bandi baturutse mu Ntara y’Uburengerazuba ari bo: Aisha Uwase, Hope Akaliza, Phoebe Uwamahoro, Joyeuse Uwimana, Denise Umutesi na Anitha Umuratwa.

Mu Majyaruguru ho hatowe Phionah Mukabashambo, Braise Tumuhorane, Natasha Umubyeyi, Melisa Urujeni, Doreen Umuhoza na Rosine Mukangwije.

Abakobwa bemerewe gukomeza muri Miss Rwanda 2020 bahagarariye Amajyepfo

Byari ibyishimo bidasanzwe ku bakomeje

REBA UKO IGIKORWA CYOSE CYAGENZE

Amajyepfo muri Miss Rwanda

Intara y’Amajyepfo ni imwe muri enye zigize u Rwanda, ikaba ifite ubuso bwa Km 5, 963, iyobowe na CG Emmanuel Gasana. Umujyi wa Huye urimo ibikorwa remezo bitandukanye nka kaminuza y’u Rwanda.

Ni intara ifite ibigwi bitari bike mu irushanwa rya Miss Rwanda kuko muri banyampinga umunani u Rwanda rufite kuva mu 2009 babiri muri bo [Bahati Grace na Kayibanda Mutesi Aurore] batowe ari ho baturutse.

Uretse aba banyampinga, Intara y’Amajyepfo yaturutsemo abakobwa bamenyekanye cyane nka Kalimpinya Queen wabaye Igisonga cya Gatatu cya Miss Rwanda 2017, Dushimimana Lydia wabaye Miss Heritage 2019, Muyango Claudine wabaye Miss Photogenic 2019, na Cyiza Vanessa wabaye Miss Congeniality 2019.

I Huye ubwitabire bwari bwinshi

15:30: Abakobwa bose baje guhatana bari bamaze kwiyandikisha, gupimwa abujuje ibisabwa aho bari bagiye kwitegura ngo bagere imbere y’akanama nkemurampaka.

15:50: Ababaye ba Nyampinga b'u Rwanda mu myaka itatu ishize [Iradukunda Elsa, Iradukunda Liliane na Nimwiza Meghan] bari binjiye mu cyumba kiberamo ijonjora.

Abakobwa 17 bemerewe guhatana

Abujuje ibyangombwa bishimiye guca imbere y'akanama nkemurampaka

16:20 Abagize akanama nkempurampaka ari bo Evelyne Umurerwa, Mike Karangwa na Mutesi Jolly binjiye mu cyumba kiberamo ijonjora. Igikorwa cyari kigiye gutangira.

16:23: Abakobwa bose uko ari 17 bari binjiye biyereka abagize akanama nkemurampaka ubundi basubira mu rwambariro.

16: 25: Umukobwa wa mbere ni bwo yageze imbere y'akanama nkemurampaka uwo akaba ari Umwaliwase Claudette ufite imyaka 19.

Yabajijwe icyo azamarira u Rwanda naba Nyampinga avuga ko ari ugushyira hamwe agafasha igihugu kumvisha abaturage ko bagomba kuva mu manegeka bakajya gutura ahadashyira ubuzima bwabo mu kaga.

Abagize akanama nkemurampaka bose bamuhaye Yes.

Umukobwa wa kabiri ni Muziranenge Alice akomoka mu Karere ka Nyarugenge yize ibijyanye n’Ubuhinzi muri EAV Kabutare. Yavuze ko irushanwa rya Nyampinga w’u Rwanda riha amahirwe umwana w’umukobwa mu kubaka igihugu cye. Ni urubuga rwiza rwo kwereka abanyarwanda bose ko ashoboye.

Umukobwa wa gatatu ni Ingabire Jolie Ange wavuze ko naramuka atowe azafasha abaturage gukemura ibibazo birimo gushishikariza urubyiruko kwizigamira. Yatekereje uyu mushinga nyuma yo kurangiza amashuri akabura amafaranga kuko atizigamiye. Mike Karangwa yavuze ko ari we ubashije gusubiza neza mu bamaze kumuca imbere.

Teta Musana yasabwe kuvuga nk’uri kuganiriza urubyiruko rw’abakobwa babyariye iwabo. Mu ijambo rye yavuze ko yabaganiriza ku kwihangira imirimo. Abagize akanama nkemurampaka bose bamuhaye YES bamugira inama yo kujya aseka.

Munyaneza Yvette wari wambaye nomero eshanu yabajijwe icyamuteye kujya guhatanira ikamba rya Nyampinga w’u Rwanda avuga ko ari icyizere yifitemo muri we ko ashoboye.

Afite umushinga wo kwigisha abakobwa ko bashoboye kuyobora. Uyu mukobwa wize umuziki yasabwe kuririmba amaze aterura mu ijwi aririmba indirimbo ya Mani Martin.

Mumporoze Josiane wambaye nomero eshashatu, yasabwe kuvuga aho yatembereza umunyamahanga usuuye u Rwanda. Yavuze ko yamujyana mu Rukari, ku Rutare rwa Kamegeri [yabanje kuvuga ko ari urwa Rukara] muri Pariki y’ibirunga, no mu nzu ndangamurange y’u Rwanda.

Musabyemariya Stella Martine wo mu Karere ka Kamonyi yavuze ko naramuka atowe nka Nyampinga w’u Rwanda 2020 azafatanya na Transparency International Rwanda mu kurwanya ruswa yifashishije urubyiruko. Abakemurampaka bose bamuhaye NO.

Uwase Latifah yavuze ko afite umushinga wo kwamamaza ibikorerwa mu Rwanda mu mahanga aho azifashisha urubuga rwa interineti rushyirwaho ibicuruzwa byose bikorerwa mu Rwanda.

Mutesi Jolly yamuhaye NO ngo kuko ntacyo yumvise mu byo yavuze. Na Mike Karangwa yamuhaye No bitewe n’uko atanyuzwe n’ibyo yamusubije.

Irakoze Kelly Mireille ukomoka mu Karere ka Huye yatanze umushinga wo guteza imbere ubukerarugendo bushingiye ku muco, afatanyije n'inzu ndangamurage z'u Rwanda na RDB ku kumenyekanisha ahantu hafite amateka y'umwihariko.

Abakemurampaka bose bamuhaye NO ahanini azize uko yagaragaje cyane UBUTESI.

Umwariwase Claudette ni we wabimburiye abandi

Muziranenge Alice nomero kabiri

Ingabire Jolie Ange asubiza ibibazo

Baraka yavuze ko afite umushinga wo kuvuganira abana bafite ubumuga ubwo ari bwose kuko yasanze bahura n’ihezwa mu miryango yabo.

Imanishimwe Hope Joy wambaye nomero 12 avuga ko impamvu yahisemo kujya mu irushanwa rya Miss Rwanda ari ibintu yatekereje kuva akiri umwana kuko yajyaga aba Nyampinga w'umuryango wabo.

Afite umushinga wo gufasha igihugu mu kurwanya inda zitateganyijwe mu bangavu no gufasha abazitwaye kwiteza imbere bakora imirimo ibyara inyungu itandukanye.

Musana Teta Hence imbere y'akanama nkemurampaka

Munyaneza Yvette akimara kubazwa yaririmbye
Mumporeze Josiane ashaka guteza imbere ubukerarugendo bushingiye ku muco

Musabyemariya Stella Marthe yavuze ko ashaka kurwanya ruswa

Uwimana Louise waturutse mu Karere ka Kamonyi abajijwe icyo yakora kugira ngo arwanye ibiyobyabwenge mu rubyiruko, yavuze ko yakoresha ibiganiro ahuriza hamwe urubyiruko akarwigisha ibibi by'ibiyobyabwenge ahereye mu bana bato.

Yavuze ko umushinga we ari uwo kurwanya inda zitateganyijwe mu bangavu kuko ari ikibazo kiri mu Ntara avukamo y'Amajyepfo ndetse agafasha abazitwaye kongera kwisanga mu muryango bakiteza imbere.

Igihozo Diane yatanze umushinga wahuriweho na benshi ujyanye no kurwanya inda zitateganyijwe mu bangavu. Yagaragaje ko impamvu zitera iki kibazo ari ababyeyi bateshutse ku nshingano, irari ry'abana b'abakobwa n'ikigare.

Uwase Latifah arashaka kumenyekanisha ibikorerwa mu Rwanda mu mahanga

Irakoze Kelly Mireille yahawe NO kubera 'Ubutesi'

Umutoniwase Carine arajwe ishinga no guhanga imirimo mu rubyiruko

Baraka Lucky Sabine afite umushinga wo kuvugira ababana n'ubumuga

Imanishimwe Hope Joy yemeje akanama nkemurampaka kubera icyizere yavuganaga

Naruga Susan imbere y'anakanama nkemurampaka

Uwimana Lousie afite umushinga wo kurwanya inda zitateganyijwe

Igihozo Diane nawe ashaka kurwanya inda zitateganyijwe mu bangavu

18:20: Abagize akanama nkemurampaka bagiye kwiherera ngo bemeze abagomba gukomeza.

18:50: Abagize akanama nkemurampaka bavuye kwiherera bagiye gutangaza abemerewe gukomeza. Abakobwa bose bari bategereje kumenya abakomeza.

Abakobwa barindwi bakomeje ni: Imanishimwe Hope Joy, Musana Teta Hense, Umwariwase Claudette, Igihozo Diane, Ingabire Jolie Ange, Umutoniwase Carine, na Mumporeze Josiane

AMAFOTO: Miss Rwanda