Ahabanza Imyidagaduro

Impano nshya mu gutera urwenya zatangiye kwigaragaza mu bitaramo bya SKOL LAGER

Yanditswe na: Editor
Taliki:5/10/2019 14:21 0

Nk’uko bimaze kumenyerwa buri wa Gatanu, haba igitaramo gihuriza hamwe abanyempano mu gutera urwenya binyuze mu kinyobwa SKOL LAGER ndetse n’abanyarwenya bibumbiye muri Comedy Knight kuri iyi nshuro cyari cyabereye mu karere ka Gasabo mu Muurenge wa Gisozi.

Iki gitaramo cyagaragarayemo abanyarwenya batandukanye barimo Clapton Kibonke, Babou, Joshua, George na 5K Etienne, basekeje cyane abari kumva icyanga cya Skol Lager.

Imwe mu mpano yishimiwe ni umusore witwa Falia wahawe umwanya maze abaraho bose mu gihe cy’umunota bishimira impano y’uyu musore.

Mu kiganiro yagiranye na INYARWANDA Falia yashimye bagenzi be bari muri Comedy Knight kubw’ubufatanye bwabo ndetse no gushyigikira bagenzi babo bafite impano.

Yagize ati: “Mbere ntabwo wari kubona umunyarwenya ukiga uhabwa umwanya ahantu nkaha, njye ubu nubwo nkiri muto muri uyu mwuga mbasha guhabwa umwanya nkigaragaza imbere y’imbaga byose bivuye mu bufatanye buranga abakora uyu mwuga.”

Iki gitaramo kandi ku nshuro yambere kikaba cyagaragayemo umunyarwenya ubarizwa muri Daymakers 5k Etienne nawe wishimiwe by’umwihariko ubwo yahamagarwaga ngo aze gutera urwenya we akabanza agacinya akadiho agakomereza no hanze mu muhanda.

5K Etienne mu rwenya rwe akaba yasabye abenzi b’uruganda rwa SKOL ko babafasha bakajya babakemurira ikibazo cy’abakunda kwitwaza ngo ntibakunda kunywa bashonje bakabategurira ikinyobwa gishya bazajya banywa mu icupa hakaba harimo n’uruvange rw’andi mafunguro yoroheje bityo rero bakajya barwanya inyota n’inzara icyarimwe.

Aba banyarwenya bakaba basoje bararikira kuzitabira igitaramo cy’ubutaha kizabera mu mujyi wa Kigali rwagati ku gasongero k’inyubako ya CHIC.

Abanyarwenya Babou na Joshua bo muri Comedy Knights basekeje abantu cyane