Airtel Rwanda
Kigali

Women Volleyball: UTB VC yatwaye igikombe cya shampiyona, abakinnyi bayo biharira ibihembo-AMAFOTO

Yanditswe na: Mihigo Saddam
Taliki:17/06/2019 14:11
0

Ikipe y’abakobwa ba kaminuza ya UTB bakina umukino w’intoki wa Volleyball batwaye igikombe cya shampiyona 2018-2019 nyuma yo gutsinda RRA mu mikino ibiri ya kamara mpaka (Playoffs). Uumukino wa kabiri batsinze RRA amaseti 3-2 (17-25, 25-23, 16-25, 25-14, 8-15).



Muri uyu mukino, UTB VC yatangiye itsinda seti ya mbere amanota 25-17 mbere y’uko RRA itsinda seti ya kabiri amanota 25-23.

Seti ya gatatu yabaye iya UTB VC n’amanota 25-16 ari nako RRA yahise itsinda seti ya kane n’amanota 25 mu gihe UTB VC yari ifite amanota 14.

Byabaye ngombwa ko bakina agace ko gutanguranwa amanota 15 bityo UTB VC biyibera amahire itsinda amanota 15 mu gihe RRA bari bakiri ku manota umunani (8).


UTB VC bateruye igikombe cya shampiyona 2018-2019

UTB VC yahise ihabwa igikombe cya shampiyona 2018-2019 kuko yatanze RRA gutsinda imikino ibiri muri Playoffs. Umukino ubanza, UTB VC yari yatsinze RRA amaseti 3-1 (25-17, 25-17, 18-25 na 25-17) mu mukini wamaze 1h43’.

Nyuma yo kuba UTB VC yari itwaye igikombe, habayeho gahunda yo guhemba abakinnyi bitwaye neza muri uyu mwaka w’imikino 2018-2019.

Muri ibi bihembo by’umukinnyi ku giti cye (Individual Award), UTB VC yatwayemo bine (4) muri bitandatu (6) byatanzwe .

Abakinnyi ba UTB VC batwaye ibihembo barimo; Shallon Amito (Best Middle Blocker), Gihozo Yvette (Best Setter), Nzayisenga Charlotte (Best Right Attacker), Mukandayisenga Benitha (MVP).


UTB VC yatwaye igikombe mu mwaka wayo wa mbere ishinzwe

Ibindi bihembo byatwawe n’abakinnyi ba RRA aribo; Uwamahoro Betty (Best Libero) mu gihe ikindi cyatwawe na Mukantambara Seraphine (Best Attacker).

Ku rutonde rwa nyuma rwa shampiyona, UTB VC ni iya mbere yakurikiwe na RRA. Umwanya wa gatatu wafashwe na APR VC mu gihe KVC iri ku mwanya wa kane.

  






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND