Kuri iki Cyumweru tariki 26/05/2019 Asaph worship band itsinda ryo kuramya no guhimbaza Imana rikorera umurimo w’Imana muri Zion Temple Celebration Centre Paruwase ya Nyarutarama, rizakora igitaramo rizafatramo amashusho ya album ya gatatu bise 'Living Sacrifice'.
Nkuko Asaph Worship Band yabitangarije Inyarwanda.com, iki gitaramo cyabo bazafatiramo amashusho (Live recording) ya album yabo nshya kizabera ku Kicukiro kuri New Life Bible Church guhera saa kumi n’imwe z’umugoroba. Kwinjira bizaba ari ubuntu ku bantu bose. Bagize bati: “Live recording ya album yacu ya 3; Living Sacrifice iri Dimanche kuri New Life Bible Church guhera saa kumi n'imwe.”
Album yabo ya mbere bayise 'Glorious Resurrection' ikaba igizwe n'indirimbo 8. Album ya kabiri bayise 'Paid in full' ikaba ifite indirimbo 10. Album yabo ya gatatu ari nayo bagiye gufatira amashusho, yitwa 'Living sacrifice' ikaba igizwe n'indirimbo 10. Kugeza ubu Asaph Worship Band ifite indirimbo 28 muri rusange. Iri tsinda rifite intego yo kwamamaza ubutumwa bwiza bwa Yesu Kristo biciye mu ndirimbo zaryo. Ni itsinda rikoresha cyane ururimi rw'icyongereza mu ndirimbo.
Igitaramo Asaph Worship Band izafatiramo amashusho ya album ya 3
Eng
RSS 
TANGA IGITECYEREZO