Miss Rwanda 2019: Dore uko amajonjora ya mbere yatangiriye i Musanze yagenze n'abatsinze -AMAFOTO

Musanze ni agace gasanzwe kazwiho imbeho ariko hakanaba hamwe mu hakunze guhagararira intara y'amajyaruguru mu bikorwa bitandukanye byo ku rwego rw'igihugu. Ubukerarugendo bugendanye n'ibyiza nyaburanga biri muri aka gace birimo ibirunga n'ingagi biri mu bituma uyu mujyi ari ubudasa kuri benshi.

Niho kandi hagiye gutangirira amajonjora ya mbere ya Nyampinga w'u Rwanda 2019, umuhango ugiye kubera kuri La Palme Hotel. Twageze kuri iyi hoteli mbere gato y'uko umuhango nyir'izina utangira, ngo tubagezeho uko imyiteguro yifashe mbere y'uko hamenyekana abakobwa bazahagararira Amajyaruguru.

Abanyamakuru n'abandi batandukanye bazindutse ngo bakurikirane imigendekere y'iki gikorwa

Umunzani uri bube upima ibiro by'abakobwa 

Hari gushakishwa uzasimbura Iradukunda Liliane ku ntebe ya Nyampinga w'u Rwanda

Igikoresho gipima uburebure nacyo cyamaze gutegurwa

Bamwe mu bakobwa bitabiriye irushanwa batangiye kuhagera

Iradukunda Elsa, nyampinga w'u Rwanda wa 2017 nawe arahari

Guhera ku isaha ya saa sita z'amanywa bamwe mu bakobwa bifuza guhatanira ikamba rya nyampinga w'u Rwanda 2019 bari batangiye kugera aho amajonjora ari bubere. Mbere gato yo gutangiza igikorewa nyamukuru, aba bakobwa babanje kuganirizwa basobanurirwa ibyerekeye irushanwa no gusobanurirwa bimwe mu by'ibanze kugira ngo binjire mu irushanwa biteguye neza.

Kugeza ubu hari gukorwa ibijyanye no kumenya imyirondoro yabo, kubapima ibiro n'uburebure, bimwe mu by'ingenzi biranga iri rushanwa mu ntangiriro. Ikindi kitaramenyekana kugeza ubu ni ikijyanye n'akanama nkemurampaka kari buze kuba gatoranya abakobwa bahagararira Amajyaruguru.

Iradukunda Liliane yahageze abakobwa bose 32 bitabiriye irushanwa bamaze kubapima ibiro, uburebure no kubabaza imyirondoro

Dore amazina y'abakobwa 15 babashije kwemererwa guhatana muri 32 bitabiriye irushanwa:

Mujyambere Lida

Wibabara Eunice

Munezero Adeline

Umutoni Gisele

Umutesi Nadege

Ishimwe Bella

Gasana Isimbi Sandra

Keza Yusla

Teta Mugabo Ange Nicole

Sano Cynthia

Kabahenda Ricca Michaella

Umutoniwase Charlene

Gaju Anitha

Mukunzi Natacha

Umugwaneza Henriette

Nyuma y'uko aba bakobwa bamaze kwiyerekana, hakurikiyeho kwakira abari mu kanama nkemurampaka. Aka kanama kagizwe na Michelle Iradukunda, Mtesi Jolly ndetse na Marie France Uwase.

Abagize akanama nkemurampaka

Reba amafoto y'aba bakobwa imbere y'abakemurampaka:

Bamwe mu bakobwa 15 bahataniye i Musanze

Abakobwa bose uko ari 15 ubwo bari bategereje kumva 5 muri bo bagize amahirwe yo gukomeza

Dore amazina y’abakobwa 5 babashije gukomeza muri Miss Rwanda 2019 bahagarariye intara y’Amajyaruguru:

Wibabara Eunice

Umutoni Gisele

Sano Cynthia

Teta Mugabo Ange Nicole

Ishimwe Bella

Aba nibo bakobwa bahagarariye intara y'amajyaruguru muri Miss Rwanda 2019

Nyuma y'uko abahagarariye intara y'amajyaruguru bamaze kumenyekana, biteganyijwe ko iri rushanwa rizakomereza i Rubavu ahazatoranywa abakobwa bazahagararira intara y'Uburengerazuba, ni kuri iki cyumweru tariki 16/12/2018. 

Rubavu izakurikirwea na Huye tariki 22/12/2018 aho hazatoranywa abakobwa bazahagararira intara y'amajyepfo muri Miss Rwanda 2019. Nyuma yo kuva i Huye hazakurikiraho Kayonza tariki 23/12/2018 nabwo hatorwe abazahagararira intara y'Uburasirazuba. Umujyi wa Kigali uzagerwaho ku itariki 29/12/2018 hatoranywa abazahagarira uyu mujyi.

AMAFOTO: Iradukunda Dieudonne/Inyarwanda

Kanda hano urebe incamake y'uko byari byifashe i Musanze