Ikipe y’igihugu cya Croatia yageze mu mikino ya kimwe cya kabiri cy’irangiza itsinze Russia penaliti 4-3 mu gihe iminota 120 yari yashize amakipe anganya ibitego 2-2.
Muri uyu mukino, Russia nk’igihugu cyakiriye irushanwa nicyo cyafunguye amazamu ku munota wa 31’ batsindiwe na Denis Cheryshev mbere y'uko Andrej Kramaric yishyurira Croatia ku munota wa 39’ w’umukino.
Iminota 90’ y’umukino yaje kurangira biba ngombwa ko babongeza iminota 30’ nk’inyongera y’ikirenga (Extra-Time). Bigeze ku munota wa 101’ nibwo Croatia yabonye igitego cya kabiri cyatsinzwe na Domagoj Vida wahise yiyambura umupira akanahabwa ikarita y’umuhondo. Iki gitego cyaje kwishyurwa na Mario Fernandes ku munota wa 115’ bityo iminota 120’ irangiye ari ibitego 2-2 batera penaliti.
Ku ruhande rwa Russia bahushije penaliti ebyiri (2) mu gihe Croatia bahushije penaliti imwe yatewe na Mateo Kovacic.
Fedor Smolov na Alan Dzagoev bahushije Penaliti za Russia mu gihe Mario Fernandes, Sergei Ignashevich na Daler Kuzyaev babashije kuzinjiza. Penaliti za Croatia zatsinzwe na Marcelo Brozovic, Luka Modric, Domagoj Vida na Ivan Rakitic wateye iya nyuma.
Abakinnyi ba Croatia bishimira intsinzi
Mu mikino ya ½ cy’irangiza, Croatia izacakirana n'Ubwongereza kuwa Gatatu tariki ya 11 Nyakanga 2018 mu gihe kuwa Kabiri aribwo Ubufaransa buzaba bwahuye n'Ububiligi.
Ivan Rakitic umukinnyi wa FC Barcelona atera penaliti ya nyuma
Abakinnyi ba Russia bacitse intege ku munota wa nyuma
Abakinnyi babanje mu kibuga n'amanota bagiye bahabwa:
Russia (4-2-3-1): Akinfeev 6, Fernandes 6, Kutepov 7, Ignashevich 8, Kudryashov 6; Kuyzaev 6.5, Zobnin 6, Samedov 6 (Erokhin 54mins 6), Golovin 6.5 (Dzagoev 102), Cheryshev 7 (Smolov 67mins 6), Dzyuba 6.5 (Gazinsky 79)
Croatia (4-2-3-1): Subasic 6, Vrsaljko 6 (Corluka 97), Lovren 6.5, Vida 6, Strinic 6.5 (Pivaric 72mins 6), Modric 7.5, Rakitic 6.5, Perisic 6 (Brozovic 62mins 6), Kramaric (Kovacic 88) 6, Rebic 7, Mandzukic 6
Dore uko amakipe azahura muri 1/2:
Kuwa Kabiri tariki 10 Nyakanga 2018
-France vs Belgium (St Petersburg Stadium, Luzhniki Stadium,20h00')
Kuwa Gatatu tariki 11 Nyakanga 2018
-England vs Croatia (20h00')
Igitego cya Mario Fernandes
Fernandes yishimira igitego
Vida yishimira igitego cyatumye amakipe yombi akomeza mpaka muri penaliti
Abakinnyi ba Croatia bishimira igitego
Uburyo Cheryshev yatsinzemo igitego
Umupira mu rushundura
Cheryshev Denis yishimira igitego
Igitego cya Andrej Kramaric wa Croatia
Abakinnyi bagenzi be bamushimira
Danijel Subasic umunyezamu wa Croatia ubwo imitsi yari yikanze hagati mu mukino
Vrsaljko (2) yaje gusaba gusimburwa ubwo yumvaga byanze mu minota ya nyuma
PHOTOS:DailyMailOnline
TANGA IGITECYEREZO