Oda Paccy umuhanzikazi umaze kubaka izina mu mitima ya benshi mu bakunzi ba muzika nyarwanda cyane cyane ab’injyana ya Hip Hop y’abakobwa kuri ubu nawe ni umwe mu bari kugaragaza udushya mu myambarire. Akagezweho ubu ni ako yakoze ashaka kwamamaza indirimbo ye nshya yakoranye na Urban Boys.
Inyarwanda.com tukimara kubona aya mafoto twifuje kumenya ikibyihishe inyuma maze tuganira na Oda Paccy, adutangariza ko iyi foto yayifotoje agambiriye kwamamaza indirimbo ye nshya,yagize ati “Kuki mwumva ko nambaye ubusa ni iki kidasanzwe muri kubona?” Yakomeje abwira umunyamakuru ko we ari ifoto yakoze agamije guteguza abakunzi be indirimbo nshya yakoranye na Urban Boys kandi akaba yaragombaga gukora ibinyuranye n’ibyo amaze igihe akora cyane ko aba ashaka uko buri munsi yaha abakunzi be ibishya.
Oda yifotoje iyi foto agamije kwamamaza indirimbo ye yitegura gushyira hanze
Umuraperikazi Oda Paccy umwe mu bahanzi bakomeye cyane muri muzika nyarwanda akaba yari n'umwe mu bahatanaga mu irushanwa rya PGGSS7 aho yegukanye umwanya wa gatandatu, kuri ubu agiye gushyira hanze indirimbo ye nshya yakoranye na Urban Boys, indirimbo yise ‘Order’ yakozwe na producer Junior Multisystem. Kubwa Oda Paccy ngo iyi ndirimbo arayishyira hanze nyuma y’icyumweru kimwe nkuko yabitangarije INYARWANDA.COM
Ifoto ya Oda Paccy
REBA HANO NO BODY INDIRIMBO ODA PACCY YAHERUKAGA GUSHYIRA HANZE
Eng
RSS 
TANGA IGITECYEREZO