RFL
Kigali

CAF yatangaje ko Robertinho atemerewe gutoza Gormahia ku mukino wa APR FC

Yanditswe na: SAFARI Garcon
Taliki:20/11/2020 18:27
1

Impuzamashyirahamwe y'umupira w'amaguru muri Afurika 'CAF' yamaze kumenyesha umunya-Brazil utoza ikipe ya Gormahia, Robertinho, ko atemerewe gutoza iyi kipe ku mukino izakina na APR FC mu ijonjora ry'ibanze muri CAF Champions League, nyuma yo kwanga ibyangombwa bye.



ku gicamunsi cyo kuri uyu wa Gatanu tariki ya 20 Ugushyingo 2020, nibwo byatangajwe ko CAF yanze ibyangombwa by’uyu munya-Brazil wagejeje Rayon Sports muri ¼ cya CAF Confederations Cup mu 2018 asezereye Gormahia mu matsinda.

Ikinyamakuru Goal cyatangaje ko nyuma y'igenzura ryakozwe, CAF yasanze nta byangombwa byemerera Robertinho gutoza imikino nyafurika afite,  ni ukuvuga License A cyangwa B ya UEFA cyanga iya CAF ahubwo basanze afite ibyangombwa byo muri Brazil.

Uyu mutoza wari utegerejwe i Kigali mu mukino ubanza uzaba tariki ya 28 Ugushyingo 2020, ashobora kudatoza Gormahia muri iyi mikino yombi azakina na APR FC.

Ni ikibazo gikomeye cyane iyi kipe yo muri Kenya ihuye nacyo, mu gihe habura iminsi irindwi ngo ikine na APR FC, kuko n'umutoza wungirije Robertinho, Patrick odhiambo nawe nta byangombwa bimwemerera gutoza iyi mikino afite, gusa biravugwa ko Zico wahoze yungirije Dylan Kerr ariwe uzafasha iyi kipe mu mikino nyafurika, mu gihe Gor Mahia itegereje ko ikibazo cya Robertinho gikemuka, dore ko yamaze gutanga ubujurire muri FIFA.

Roberto Oliveira Concalves de Calmo uzwi nka Robertinho aheruka gusinya amasezerano y'imyaka ibiri nk'umutoza mukuiru wa Gormahia asimbuye Steve Polack ukomoka mu Bwongereza.

Mubyo ubuyobozi bwa Gormahia bwari bwasabye Robertinho, harimo kugeza iyi kipe kure mu mikino nyafurika, kuko ibikombe by'imbere mu gihugu byo basanzwe babitwara.

Robertinho ntazazana na Gormahia i Kigali ku mukino ubanza muri CAFChampions League

Robertinho yari yaratangaje ko agiye kongera kubona abafana ba Rayon Sports akumbuye





TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Dushimirimana Francis6 days ago
    Ndabona Glomarhio yadagazwe, yatanangiye gutitizwa nimirindi y'I ntare.


Inyarwanda Art Studio

Inyarwanda Art studio
Inyarwanda BACKGROUND