Umutoza mukuru w’ikipe ya Bayern Munich Hansi Flick yatangaje ko ibanga rizabafasha gusezerera FC Barcelone kuri uyu wa gatanu mu mukino wa ¼ cya UEFA Champions League, ari uko batazibanda kuri Lionel Messi gusa, ahubwo bazacungana na buri mukinnyi wa Barcelone, banayotseho igitutu.
Kuri uyu wa gatanu tariki 14 Kanama 2020, i Lisbon muri Portugal haramenyekana ikipe izakatisha itike ya ½ muri UEFA Champions League hagati ya FC Barcelone na Bayern Munich ihabwa amahirwe yo kwegukana irushanwa ry’uyu mwaka.
Umutoza wa Bayern Munich hansi Flick, atangaza ko biteguye gusezerera FC Barcelone kandi intego ari ukwegukana irushanwa ry’uyu mwaka.
Hansi Flick wa yagize ati: "Tuzategura umukino wa Barcelona nkuko dutegura uw'iyindi kipe. Turashaka kugaragaza imbaraga zacu nanone, tukawushyiraho [umukino] umutima ubundi tukawugaragazamo ubuhanga bwacu".
"Ntabwo tugiye kwibanda kuri Lionel Messi, ducyeneye kureba buri mukinnyi".
FC Barcelone yageze mu mikino ya ¼ muri iri rushanwa isezereye Napoli yo mu Butaliyani ku giteranyo cy’ibitego 4-2 mu mikino yombi, mu gihe Bayern Munich yo yasezereye ikipe ya Chelsea FC ku giteranyo cy’ibitego 7-1 mu mikino yombi.
Mu marushanwa yose y'uyu mwaka, rutahizamu wa Bayern Munich Lewandowski ubu afite ibitego 53 mu mikino 44.
Bayern Munich ni imwe mu makipe ahabwa amahirwe yo kwegukana irushanwa ry’uyu mwaka.
Izava
hagati ya FC Barcelone na Bayern Munich, izesurana n’izava hagati ya Leipzig na
Atletico Madrid mu mikino ya ½.
Hansi Flick atangaza ko Bayern Munich yiteguye gusezerera FC Barcelone
Eng
RSS 
TANGA IGITECYEREZO