Ikipe ya Etincelles FC yaguye miswi na Bugesera FC banganya igitego 1-1 mu mukino w’umunsi wa 29 wa shampiyona wakinirwaga kuri sitade Umuganda kuri iki Cyumweru tariki 28 Gicurasi 2017.
Etincelles FC niyo yafunguye amazamu ku munota wa 38’ ku gitego batsindiwe na Nshimiyimana Iddy bita Souples ku mupira yahawe na Gikamba Ismael. Iki gitego cyaje kwishyurwa na Ssentongo Ruhinda Farouk Saifi ku munota wa 83’ w’umukino.
Muri uyu mukino Etincelles FC yari yakaniye, Bugesera FC na yo yari yaje ije gushimangira umwanya wa gatanu isabwa n’umuterankunga wayo.
Ssentongo Farouk Saifi watsindiye Bugesera FC yatahanye ikarita y’umuhondo cyo kimwe na Kapiteni we Nzabanita David.
Mu gusimbuza, Ruremesha Emmanuel yakuyemo Jean Marie Vianney Uwase yinjiza Niyonkuru Sadjat waje kongera kuvamo asimbuwe na Bahame Alafat.
Kanyankore Gilbert utoza Bugesera FC yaje gukora impinduka yinjiza Rucogoza Djihad asimbura Guido Abdallah mu gihe Mugenzi Bienvenue yasimbuwe na Bernard Uwayezu.
Bugesera FC iraguma ku mwanya wa Gatanu n'amanota47' naho Etincelles FC igume ku mwanya wa munani (8) n'amanota 37.
Undi mukino wabaye kuri iki Cyumweru, ikipe ya APR FC yaguye miswi na Rayon Sports banganya igitego 1-1 mu mukino w'umunsi wa 29 wakinirwaga kuri sitade ya Kigali. APR FC yatsindiwe na Issa Bigirimana ku munota wa 38', igitego cyaje kwishyurwa na Tidiane Kone ku munota wa 48' w'umukino.
Rayon Sports iracyari ku mwanya wa mbere n'amanota 70 mu gihe APR FC yagumye ku mwanya wa gatatu n'amanota 57 inyuma ya Police FC ya kabiri n'amanota 58.
Abakinnyi babanje mu kibuga:
Etincelles FC: Nsengimana Dominique (GK), Kambale Salita Gentil ©, Manishimwe Yves, Nahimana Isiaka, Nshimiyimana Iddy, Kayigamba Jean Paul, Guilomosa Gulain, Gikamaba Ismael, Mumbele Saiba Claude, Niyonsenga Ibrahim na Uwase Jean Marie Vianney.
Bugesera FC: Janvier Kwizera(GK), Rucogoza Aimable Mambo, Turatsinze Hertier, Mugabo Ismael, Uwacu Jean Bosco, Nzabanita David ©, Bigirimana Shabban, Iradukunda Bertrand, Ssentongo Faruk Saifi na Guindo Abdallah
Uwacu Jean Bosco asimbukana umupira
Nshimiyimana Iddy bita Souple yaryamye akozaho ikirenge umupira ugana mu rucundura
Umupira wari uvuye muri koruneri Gikamba akozaho umutwe awuganisha mu izamu
Iradukunda Jean Bertrand acenga asubizamo
Gikamba Ismael mukuru wa Nizeyimana Mirafa (Police FC) agenzura umupira hagati mu kibuga
Abakinnyi ba Etincelles Bishimira igitego
Igitego kiraryoha
Mugenzi Bienvenue azamukana umupira
Abafana
Kayigamba Jean Paul myugariro wa Etincelles FC
Iradukunda Jean Bertrand azitiwe
Niyitegeka Idrissa (ubanza ibumoso) na Hategekimana Bonheur (ubanza iburyo) abakinnyi ba SC Kiyovu bari muri sitade
Mugenzi Cedric Ramires (ubanza ibumoso) na Mbonyingabo Regis (hagati) ni abakinnyi ba Etincelles FC batakinnye kuko nka Mugenzi yari afite amakarita atatu y'umuhondo
Farouk Ruhinda ahabwa ikarita
Umusifuzi wa kane yiyama abakinnyi ba Bugesera FC bari kuntebe y'abasimbura bavuga amagambo yuko bari kubiba
Kambale Salita Gentil hejuru y'umupira ashaka inzira
Ruremesha Emmanuel umutoza mukuru wa Etincelles FC avuga ko ubu nta kibazo afite kuko ibyo yiyemeje bishoboka
Mu myanya y'icyubahiro
Farouk Ruhinda amaze guterekamo igitego
Farouk Ruhinda yahise yuzuza ibitego 10
Abakinnyi ba Bugesera FC bishimira igitego
Kanyankore Gilbert Yaounde umutoza mukuru wa Bugsera FC
Kwizera Olivier umunyezamu wa Bugsera FC yishyushya
Dore uko umunsi wa 29 warangiye:
Kuwa Gatanu tariki 26 Gicurasi 2017
*Musanze Fc 4-2 Mukura VS
*Sunrise Fc 0-1 Espoir Fc
*Kirehe Fc 0-0 Gicumbi Fc
*Marines Fc 1-0 SC Kiyovu
*AS Kigali 1-3 Police Fc
*Pepinieres Fc 1-1 Amagaju Fc
Imikino iteganyijwe:
Kuwa Cyumweru tariki 28 Gicurasi 2017
*Etincelles Fc 1-1 Bugesera Fc
*Rayon Sports Fc 1-1 APR Fc
TANGA IGITECYEREZO