Ntakagero Omar wari umutoza mukuru w’ikipe ya Athletico Olympic mu gihugu cy’u Burundi yamaze gusinya amasezerano y’imyaka ibiri mu ikipe ya Kirehe FC yatandukanye na Sogonya Hamisi bita Kishi bitewe nuko atabagejeje aho bifuzaga mu mwaka w’imikino 2016-2017.
Ntakagero w’imyaka 38 y'amavuko, aje kuzanzamura Kirehe FC yarangije shampiyona ku mwanya wa 11 n’amanota 32 ngo barebe ko yazarangiza mu makipe atanu ya mbere.
Ntakagero yari umutoza wungirije mu ikipe y’igihugu nkuru y’Abarundi, akazi yahawe avuye mu kuba yari amaze umwaka (2016-2017) atoza ikipe y’igihugu y’abatarengeje imyaka 20 nk’umutoza mukuru.
Ntakagero Omar umutoza mukuru wa Kirehe FC
Bimwe mu byo wamenya kuri Ntakagero Omar:
1995-2007: Yakiniraga Athletico Olympic
2007-2008: Yari umutoza wungirije muri Athletico Olympic
2008-2010: Umutoza wungirije muri AS.Academie Tchite
2010-2011: Umutoza mukuru wa Union-Sporting FC
2011-2013: Umutoza mukuru mu ikipe ya Royal FC de Murambya
2013-2014: Unite FC de Muyinga
2014-2016: Bujumbura City
2016-2017:Umutoza mukuru w’ikipe y’igihugu y’u Burundi mu bakinnyi batarengeje imyaka 20 (Burundi U20).
2017: Umutoza wungirije mu ikipe y’igihugu (Senior) nkuru y’u Burundi
Kirehe FC imwe mu makipe atajya aburamo amakuru y'ibura ry'amafaranga
Sogonya Hamisi Kishi yeretswe umuryango shampiyona ikirangira
TANGA IGITECYEREZO