Kuwa 27 Gashyantare 2017 ni bwo hari gutangira irushanwa mpuzamahanga ry’umukino w’amagare ku nshuro yaryo ya 12, irushanwa riruta andi yose akinirwa ku mugabane wa Afurika biteganyijwe ko rizasozwa kuwa 5 Werurwe 2017 hamenyekana nyiraryo.
Ikipe y’u Rwanda (Team Rwanda) iyobowe na Bonaventure Uwizeyimana yatangiye iri siganwa ku gace karyo ka mbere (Etape1) katwawe na Aristi Gardoki Mikel (Espagne) ukinira ikipe ya Delko Marseille) aho yirukanse ibilometero 147 (147km) uva Moanda ugana Akieni mu gihe cy’amasaha atatu, iminota 42 n’amasegonda 59” (3h42m59s).
Muri aka gace, Uwizeyimana Bonaventure yafashe umwanya wa 16 akoresheje amasaha atatu, iminota 42 n’amasegonda 59” (3h42m59s) anganya na Aristi Gardoki watwaye aka gace. Ukiniwabo Rene Jean Paul yaje ku mwanya wa 27 akoresheje amasaha atatu, iminota 43 n’amasegonda atanu (3h43m5s) mu gihe Karegeya Jeremie yabaye uwa 42 akoresheje amasaha atatu, iminota 43 n’amasegonda 18” (3h43m18s).
Kuwa Kabiri tariki 28 Gashyantare 2017 irushanwa ryarakomeje ku munsi waryo wa kabiri aho abasiganwa bahagurutse Leconi bagana Franceville ku ntera ya kilometero 98 (98 Km).
Aka gace katwawe n’Umufaransa Hurel Tony ukinira ikipe ya Direct Energy akoresheje amasaha abiri, iminota 19 n’amasegonda 32” (2h19m32s) mu gihe Arisiti Gardoki Mikel(Espagne) yaje amukurikiye kuko bakoresheje ibihe bingana(2h19m32s).
Bonaventure Uwizeyimana yaje ku mwanya wa 13 nawe anganya ibihe n’aba basore dore ko nawe yakoresheje amasaha abiri, iminota 19 n’amasegonda 32s).
Ukiniwabo Rene Jean Paul yafashe umwanya wa 29 akoresheje amasaha abiri, iminota 19n n’amasegonda 40” (2h19m40”). Karegeya Jeremie yaje ku mwanya wa 31 akoresheje amasaha abiri, iminota 19 n’amasegonda 48” (2h19m48s) mu gihe Hakiruwizeye Samuel yatahukanye umwanya wa 34 akoresheje amasaha abiri, iminota 19 n’amasegonda 52 (2h19m52s).
Kuwa Gatatu tariki ya 1 Werurwe 2017 , isiganwa ryari rigeze ku munsi waryo wa gatatu aho abasiganwa bagombaga guhaguruka Mounana bagana Koulamoutou ku ntera ya kilometero 157 (157 Km).
Bazhkou Stanislau (Maroc) yahize abandi akoresheje amasaha ane, iminota ine n’amasegonda 30” (4h04’30”) akurikiwe na Mansouri Abderrahmane (Algeria) banganyije ibihe.
Uwizeyimana Bonaventure wa 12 yakoresheje amasaha ane, iminota ine n’amasegonda 44’ (4h4’44”). Hakiruwizeye yafashe umwanya wa 20 akoresheje ibihe bingana n’ibya kapiteni we.
Ukiniwabo Rene Jean Paul yatahanye umwanya wa 32 akoresheje amasaha ane, iminota ine n’amasegonda 51” (4h04’51”), Nduwayo Eric yabaye uwa 33 bakoresheje ibihe bimwe mu gihe Nizeyimana Alexis yabaye uwa 52 akoresheje amasaha ane, iminota 20 n’amasegonda 19” (4h20’19”).
Uwizeyimana Bonaventure (wambaye imyenda isa n'ibendera ry'u Rwanda) kuri ubu ni we uyoboye Team Rwanda mu myanya myiza
Arisiti Gardoki Mikel Umunya-Espagne ukinira Delko Marseille ubwo yari amaze gutsinda agace ka mbere (Etape 1)
Eng
RSS 
TANGA IGITECYEREZO