Narada worship team ibarizwa mu itorero rya AEBR Kacyiru yateguye igitaramo cyo kwizihiza isabukuru y’imyaka 5. Ni igitaramo cyizabonekamo abahanzi banyuranye barimo Eddy Mico, Rev Kayumba, Niyigaba Samuel, Adjab, Diane n’abandi.
Niyigaba Samuel umuyobozi wa Narada worship team yabwiye Inyarwanda.com ko icyo gitaramo kizaba ku Cyumweru tariki 15 Mutarama 2017 kuva isaa Cyenda z’amanywa kikazabera kuri AEBR Kacyiru.
Usibye abahanzi twavuze haruguru bazitabira ibyo birori bya Narada worship team, hazaba hari n’amakorali anyuranye arimo: Horeb, Malaika, Seraphim Melodies, Isoko y’imigisha ndetse n’amatsinda abyinira Imana. Pastor Joel ni we uzigisha ijambo ry’Imana.
Narada worship team ni itsinda rigizwe n’abaririmbyi barenga 60 barimo abanyarwanda n’abanyamahanga bo mu bihugu by’akarere ka Afrika y’Ibirasirazuba ndetse no mu Burayi. Buri wese uba muri iri tsinda usanga afite umutima wo gucira bugufi Imana nk’uko Inyarwanda yabitangarije n’abayobozi ba Narada worship team.
Narada worship team ni itsinda rishinzwe kuramya no gihimbaza kuri AEBR Kacyiru rikaba rifite icyerekezo cyo kuvuga ubutumwa bwiza muri AEBR, mu Rwanda no mu mahanga. Mu byo bashimira Imana mu myaka itanu bamaze, harimo kuba Imana yarabarinze mu ngendo z’ivugabutumwa bakoze. Niyigaba Samuel yagize ati:"Turashima Imana ko ingendo z’ivugabutumwa zakozwe zikarangira amahuro no kuba abantu ku giti cyabo yarabarinze ikatugirira neza ntawe utuvuyemo mu myaka itanu ishize.
Eng
RSS 
TANGA IGITECYEREZO