Ahabanza Iyobokamana

KIGALI: Christian Dance Festival 2018 yaranzwe n'ibihe bidasanzwe mu kubyinira Imana-AMAFOTO&VIDEO

Yanditswe na: Mupende Gedeon Ndayishimiye
Taliki:29/01/2018 12:13 0

Kuri iki Cyumweru tariki 28 Mutarama 2018 kuri Petit Stade mu mujyi wa Kigali habereye iserukiramuco ryo kubyinira Imana ryateguwe na United Dance Worshipers (UDW) igizwe n'amatsinda 10 ukongeraho na The Bravaz yaturutse i Kampala.

Iri serukiramuco ribaye ku nshuro ya gatatu ryitabiriwe n’abantu baturutse impande zoze z’igihugu basaga ibihumbi bitatu dore ko Petit Stade yari yakubise yuzuye mu gihe kwinjira byari 2000Frw. Kuri iyi nshuro, iri serukiramuco ryatumiwemo The Bravaz y'i Kampala muri Watoto church, rimwe mu matorero akomeye muri Uganda.

United Dance worshipers (UDW) yateguye iri serukiramico igizwe n’amatsinda 10 ari yo; The Blessing Family, Shining Stars Family, Challenge Talents' house, Shekinah Drama team, True Light of Christ Dance Team, The Soldiers of Jesus Christ Drama Team, Praise Again Drama Team, The Winners Drama Team, True Promises Drama Team na Himbaza club. Christian Dance Festival 2018 yaranzwe n'ibihe bidasanzwe mu guhimbaza Imana aho abasore n'inkumi bakoresheje imbaraga zabo zose mu kubyinira Imana.

Christian Dance Festival

Gaby Kamanzi, Tonzi, Aline Gahongayire na Rev Seruhungo Alphonse wungirije Apotre Masasu bitabiriye iri serukiramuco

Nk'uko Inyarwanda.com yabitangarijwe na Fanny Uwera umuyobozi wa United Dance worshipers (UDW), iri serukiramuco Christian Dance Festival bateguye ku nshuro ya gatatu, United Dance Worshipers ni ihuriro ry’urubyiruko ryatangijwe muri 2014, rikaba rigizwe n’amatsinda icumi (10) n’abanyamuryango bagera kuri Magana abiri na mirongo itanu (250) baturutse mu matsinda atadukanye agize iryo huriro ndetse no mu matorero atandukanye na za ministeri.

Bose bahujwe n’impano zitandukanye by’umwihariko binyuze mu mbyino nk’imbyino za kinyarwanda, imbyino za Kinyafrika, Drama, Modern, Salsa, Indian/western dances ndetse n'imivugo n'amakinamico. Fanny Uwera aragira ati: "Intego n’icyerekezo nyamukuru bya United Dance Worshipers (UDW) ni ugukoresha impano zacu mu gusakaza no kubwiriza ubutumwa bwiza bwa Yesu Kristu ku bantu bose bashoboka gutangaza ubutumwa bw’urukundo ndetse n’ibyiringiro bihindura ubuzima bw’abantu mu mwuka ndetse no mu bundi buzima busanzwe."

Christian Dance Festival

Babyiniye Imana no mu muco nyarwanda

Iserukiramuco ryambere rya “Christian Dance Festival” ryabaye muri Mutarama 2015 ribera kuri Christian Life Assembly (CLA) i Nyarutarama. Iryo serukiramuco ryahuje urubyiruko rusaga ibihumbi bibiri (2000) baturutse mu duce dutandunye. Imbyino za Kinyarwanda na modern dances; creative choreographies, dramas na sketches; byose mu mwuka wo kuramya no mw’ijwi ry’indirimbo zihimbaza Imana, byabaye ibihe bitazibagirana mu mateka no mu buzima bwa buri wese wari uhibereye.

REBA ANDI MAFOTO Y'UKO BYARI BIMEZE