Rafael Nadal, yari ategererejwe n'abakunzi be, kongera kumubona akina Australian Open, ni nyuma y'uko atitabiriye iya 2023.
Rafael Nadal, nyuma y'uko yari yakize imvune yari yaratumye adakina Australian Open ya 2023, yari yatangarije abafana be ko nta kabuza, mu ya 2024, azagaragara yongeye guhangana na ba Novak Djokovic muri uyu mukino.
Rafael Nadal watangiye gutekereza ibyo guhagarika uyu mukino, mu cyumweru cyashize, yatsinze imikino ibiri yakinaga muri Brisbane International, ubwo yiteguraga Australian Open.
Ubwo yari ageze muri ¼ muri Brisbane International, Nadal yavunitse ku wa Gatanu ari gukina na Jordan Thompson.
Nadal yitangarije ko ubwo yanyuzwaga mu byuma, byagaragaye ko imvune ye yisubiyemo kandi bikazatwara igihe kinini ngo ikire.
Australian Open izatangira i Melbourne ku itariki 14 Mutarama. Rafael Nadal we iy'uyu mwaka ngo yayikuyeho amaso, ubu umutima yawushyize kuri French Open izatangira ku itariki 20 Gicuransi. Nadal niwe wihariye agahigo ko kwegukana French Open nyinshi, kuko afite 14.
Iyi Australian Open ya 2024, izaba ibaye iya mbere ikinwe kuva mu 1999, itarimo Rafael Nadal wavunitse, cyangwa Roger Federer uherutse gusezera muri uyu mukino.
Imvune Rafael Nadal yagiriye muri Brisbane International ku wa Gatanu, yatumye atazitabira Australiaian Open ya 2024
Guhera mu 1999, Australian Open ya 2024 nibwo izaba ikinwe ititabiriwe n'umwe muri Rafael Nadal na Roger Federer