Premier League: Liverpool yavangavanze Chelsea ikomeza kuyobora urutonde

Ni umukino wabaye kuri uyu Wagatatu saa yine n'iminota 15 ubera ku kibuga cya Liverpool, Anfield.

Uko wagenze muri make 

Umukino watangiye ikipe ya Liverpool iri hejuru ihererekanya neza ndetse yewe abakinnyi bayo nka Diogo Jota na Luis Díaz bakagerageza kwinjirana imipira mu rubuga rwa'mahina.

Ku munota wa 8 gusa Darwin Nunez yaratsinze igitego habura gato ku ishoti riremeye ariko yarerekuye ariko umunyezamu arishyira muri koroneri.

Ikipe ya Liverpool yakomeje gukina irusha Chelsea mu buryo bugaragara ariko kubona igitego bikomeza kuba ingorabahizi.

Kuwa 24 Diogo Jota yaje ku kibona nyuma y'akazi yarakoze acenga Thiago Silva na Badiashile ku mupira yarahawe na Conor Bradley.

Nyuma yo gutsindwa ikipe ya Chelsea nibwo yatangiye kugerageza gukina binyuze ku bakinnyi nka Rahim Sterling na Cole Palmer ariko kwishyura ntibikunde.

Ku munota wa 40 Liverpool yaje kubona igitego cya 2 gitsinzwe na Conor Bradley ku mupira mwiza yarahawe na Luis Díaz.

Igice cya kabiri cyatangiye Ikipe ya Chelsea ikora impinduka mu kibuga havamo Ben Chilwell ,Noni Madueke na Conor Callagher hajyamo Christopher Nkunku,Mykhilo Mudryk na Malo Gusto.

Ku munota wa 50 Mykhaylo Mudryk wa Chelsea yashoboraga gutsinda gitego ku mupira waruhinduwe na Malo Gusto ariko agiye kurekura ishoti rinyura hejuru y'izamu kure cyane.

Ikipe ya Liverpool yaje kubona igitego cya 3 kuwa 65 gitsinzwe na Dominic Szoboszlai ku mupira waruhinduwe na Conor Bradley.

Kuwa 71 Chelsea yaje kubona igitego cyayo cya 1 gitsinzwe na Christopher Nkunku ahawe umupira na Chukuemeka.

Nyuma y'iminota 8 gusa Liverpool nayo yabonye igitego cya 4 gitsinzwe na Luis Díaz akoresheje umutwe ku mupira waruhinduwe na Darwin Nunez.

Umukino warangiye ikipe ya Liverpool itsinze ibitego 4-1 ikomeza kuyobora urutonde rwa shampiyona n'amanota 51 naho Chelsea yo ikomeza kuba kumwanya wa 10 n'amanota 31.

Diogo Jota yishimira igitego cya 1 yatsinze

 .