Iyi
Album igizwe n’indirimbo 18 yasohotse ku mugaragaro ku wa 25 Nyakanga 2025,
ikaba ari iya kabiri nyuma ya “Suwejo” yasohotse mu 2023.
Yago
yatangaje gahunda yo gukora ibitaramo binyuranye ubwo yari mu kiganiro kuri
Yago TV Show kuri YouTube, aho yavuze ko urutonde rw’ibi bitaramo ruri gutegurwa,
kandi ko “bazageraho vuba cyane.”
Ati:
“Turimo turiyegeranya, tuzabageraho vuba cyane. Hanyuma abo mu Karere k’Afurika
y’Iburasirazuba namwe turababwira amatariki yanyu.”
Yongeyeho
ko azatangira no gukora ibitaramo byihariye binyura kuri YouTube, agashimangira
ko iyi Album ye ari inkuru z’ubuzima bwe, ati: “Ibintu byose naririmbye kuri
iyi Album byose ni ukuri.”
Mu
ndirimbo “Shall we do it again?”, Yago yaririmbye ku muntu yakundaga cyane,
Kasabanitta, agaruka ku byishimo by’igihe cyashize.
Mu
yitwa ‘Padiri n’Umudari’, Yago yavuze inkuru y’umuntu washakaga kumufungisha
amubeshyera, avuga ati: “Ni uburakari, nta mikino. Yariye amafaranga yanjye,
amaze kuyarya abeshya ko najyaga aye.”
Yago Life II” igizwe n’indirimbo 16 zirimo: Amashagaga, Ibyo birabera, Kwa mama, Ocean (yakoranye na Passy Kizito), Elo, Nzaririmba igitangaza, Habaye ibitangaza (ari kumwe na Inyogoye), Nooma (afatanije na Double Jay wo mu Burundi), Kasabanitta, Shall we do it again?;
No Nyash No Problem (yakoranye na
Ykee Benda wo muri Uganda), Sarambara, Urakapu, Padiri n’umudari na Sokka
(yakoranye na Sintex), ndetse na Mumavi ari kumwe na Okkama. Iyi album inabonekaho
‘Elo Remix’ yakoranye na Ayma wo muri Uganda.
Iyi
album yayifashijwemo na ba producer 10 barimo: Logic Hit It, Prince Kiiz, Dany
Beats, Knox on the Beat, ISB Pro, Chrisy Neat, Iyzo Pro, Epa Gold, Lion Beat
ndetse na Devy Denko & Klein.
Yago
yavuze ko iyi album yahawe umugisha na Mavenge Sudi, umuhanzi w’inararibonye
wamamaye mu ndirimbo Gakoni k’abakobwa. ‘Design’ ya Album y’indirimbo yakozwe
na Zeo Trap.
Yago
aheruka gushyira hanze album ya mbere yise “Suwejo” mu 2023, akayimurika ku
mugaragaro tariki 23 Ukuboza 2023 muri Camp Kigali.
Iyo
album yariho indirimbo nka Suwejo, Rata, Si Swing, Umuhoza, Yahweh, Original
Kopy, True Love, Alright, Naremeye (yakoranye na Bushali), My Love, Vis à Vis,
Yago Piano na T’en Vas Pas.
Album ya mbere ye yakoranye n’aba producer bagera kuri 13 barimo Element, The Major, Iyzo Pro, Knox on the Beat, Bob Pro, Santana Sauce, Fanta Pro, Prince Kiiz, Pakkage, Chrisy Neat, Nessim, Logic Hit It na Flyest Music.
Yago
Pon Dat yatangaje ko ari kwitegura gukorera ibitaramo muri Amerika na Canada
Yago
yavuze ko iyi Album ye iriho indirimbo zivuga ku nkuru y’ibyabaye mu buzima
Iyi
Album y’indirimbo 18, Yago yayitiriye imfura ye aherutse kwibaruka
KANDA
HANO UBASHE KUMVA ALBUM ‘YAGO LIFE II’ Y’UMUHANZI YAGO