Kantengwa Allen Heard bakunze kwita Judith Heard yavutse ku ya 13 Werurwe 1986, ni umunyamideli wo muri Uganda akana n'umunyarwanda wateguye ibirori bitandukanye. Yambitswe ikamba rya Miss Africa muri Miss Elite Awards 2021 arikuye mu Misiri.
Kantengwa Allen Heard ni umunyarwandakazi, avuka ku mubyeyi w'umunyarwanda John Musana ariwe se na Nyina Olive Bitature w'Umugande. Se yishwe muri Jenoside yakorewe Abatutsi mu 1994. Kantengwa Allen Heard yize mu mashuri atandukanye mu Rwanda na Uganda, harimo nka; Kampala Parents Primary School, Kigali Parents School, Fawe Girls Secondary School iherereye ku Gisozi. Yize kandi no muri Ndera Secondary School, hose ni mu mujyi wa Kigali.
Judith Heard ni icyitegererezo ku bw'umwuga w'imideli. Mu 2002, Judith yimukiye muri Uganda atangira gukorana na sosiyete ikora imideli ya Sylivia Owori, yitabiriye amarushanwa akomeye atandukanye harimo n'ayabereye i New York, (New York fashion week), i Paris ( Paris Fashion Week), Rwanda Collective Fashion Week, Abryanz Fashion style na Fashion awards. Muri Nzeri 2020, Judith Heard yatumiwe guhagararira Uganda mu marushanwa ya Miss Elite 2020 mu Misiri yegukana ikamba.
Amateka ya Judith Heard yerekana ko hari igihe ubuzima bwamugoye. Mu kiganiro na BBC, yavuze ko ubwo yabaga mu murwa mukuru w'u Rwanda, Kigali, yabaga muri ghetto z'i Nyamirambo. Aha uyu mugore w'abana 3 yari yarinjiye mu buhanzi bw'umuziki, icyo gihe yakoraga muzika kugira ngo abone ibishyimbo na Capati byo kurya. Arishimira ko ubuzima bwahindutse ubu akaba abayeho neza.
Judith Heard yakuriye mu buzima bushaririye ariko ubu abayeho neza cyane