Ni
ubutumwa umunyamakuru DC Clement yashyize ku rukuta rwe rwa Instagram agira ati
“Aho kurata imodoka y’Inkongomani nitwa umukire i Nyarugenge, umwana w’i Gitwe
naguma kuri Kateripilari yambaye i Nyarwanda.”
Akomeza agira ati “Ndakubwira ukuri ko igitutu cyo kwemeza kizahitana abantu i Nyarugenge.
Ka nigire kwibagarira imyumbati hano i Gitwe akavura kaguye.”
Nyuma
yo kurita mu gutwi, Alliah Cool yafashe ifoto igaragaza ubwo butumwa bw’umunyamakuru
DC Clement hanyuma yandika ubutumwa burebure yifashishije
iyo foto y’ubutumwa bwa Clement.
Alliah
Cool avuga ko u Rwanda ari Igihugu cyiza "twese dukunda" ariko harimo abakuriye
mu Rwanda kubera ko batagize amahirwe yo gukurira mu gihugu cyabo bityo abanza
gushima u Rwanda ku bwo kubaha amahirwe yo kuhatura no kuhakorera.
Agira
ati “Rwanda ni igihugu cyiza kandi twese dukunda. Benshi muri twe twakuriye mu
Rwanda ku bw'uko tutagize amahirwe yo gukurira iwacu muri Congo kubera impamvu zo
kubuzwa uburenganzira.”
Akomeza agira ati “Iteka dushimira u Rwanda rwaduhaye amahirwe yo kuhakurira, kuhakorera,
kuhatura no kuhatungira mu mahoro n’umutekano usesuye.”
Avuga
ko ubu hatangiye kugaruka icyizere cyo kuhatura nyuma y’uko abasore n’inkumi ba
M23 barwaniye uburenganzira bwabo bityo atakwemera ko umutungo ubaruye ku
gihugu uteshwa agaciro.
Akomeza
agira ati “Kuba bamwe muri twe uyu munsi turi mu gihugu cyacu Congo byasabye
imbaraga ubwitange n’ amaraso y’ abasore n’ inkumi za M23 (Mpora nshimira).”
Arakomeza
ati “Niyo mpamvu kuba twagira umutungo cyangwa tukabona uburenganzira ku gihugu
cyacu bitagateshejwe agaciro na gato. Buriya rero wakina n’ ibindi bintu
byinshi ariko ntiwakina n’inkomoko y’ umuntu. (Ikosa rikomeye).”
Asoza amuha gasopo ko ikindi gihe adakwiye gukina imikino y’Ibihugu no gutesha agaciro umutungo w’Igihugu runaka.
Ati “Ubutaha mujye mukina indi mikino apana iy’ ibihugu cyane ko inyota yo kuba aho turi uyu munsi ushobora no kuba udafite n’ icyo wowe uyiziho. Imodoka nubwo wayitungira mu gihugu ikorerwamo ntibyayikuraho agaciro kayo. Uyu munsi sinibaza ko Congo ariyo igomba gutuma ikintu gita agaciro.”
DC Clement yavuze ko aho gutunga imodoka y'Inkongomani yatunga Katepurali y'Inyarwanda
Allaih Cool yutse inabi DC Clement amubwira ko adakwiye gukinira ku gihugu cy'abandi