Umuriro yateje wakwirakwiye cyane, uteza ibibazo bikomeye mu baturage ndetse no ku bidukikije. Abaturage batanze amakuru kuri polisi nyuma yo kubona Carranza-Escobar hafi y’aho umuriro watangiriye.
Polisi yamufashe agerageza gusubira inyuma, ndetse yemera ko ari we wateje iyo nkongi, nubwo atatanze impamvu nyayo yamuteye gukora icyo cyaha. Uyu mugabo asanzwe afite amateka yo gukora ibyaha birimo ubujura no kurenga ku mategeko.
Polisi ya Azusa yashimiye abaturage ku ruhare rwabo mu gutanga amakuru yihuse, byatumye Carranza-Escobar afatwa mu buryo bworoshye.
Ubuyobozi bwatangaje ko iperereza rikomeje kugira ngo hamenyekane neza icyateye iki gikorwa ndetse n’uko umuriro wakwirakwiye.
Iri fatwa ni intambwe ikomeye mu guhangana n’ibyaha byangiza ibidukikije no kurinda umutekano w’abaturage nk'uko bitangazwa na TMZ dukesha iyi nkuru.
Uwateje inkongi y'umuriro muri Calofornia yamaze gutabwa muri yombi
Yanditswe na Kubwayo Jean de la Croix