Ibimenyetso by’uko aba bombi bashobora kuba bari mu rukundo byatangiye kuvugwa cyane mu ntangiriro za 2026, nyuma yo kugaragara bari kumwe muri Estelle Manor, hoteli n’ikigo cy’imyidagaduro kiri muri Oxfordshire mu Bwongereza.
Muri Gashyantare 2026, amakuru yatangajwe n’umwe mu bantu bari hafi yabo yavuze ko Kim Kardashian na Lewis Hamilton bari bamaze kuba umwe ndetse umubano wabo wavugwaga nk’uwari ukiri mu ntangiriro.
Muri uko kwezi, Kim Kardashian na Hamilton bagaragaye barebera hamwe umukino wa Super Bowl bari mu cyumba cyihariye.
Muri Werurwe 2026, Hamilton yagaragaje ko akomeje kwita kuri Kim Kardashian ubwo yashyiraga emoji ku ifoto uyu mugore yari yashyize kuri Instagram nyuma yo kwitabira Vanity Fair Oscar Party.
Nyuma muri Werurwe, bombi bongeye kugaragara bari kumwe mu mihanda ya Tokyo mu Buyapani.
Muri Mata 2026, Kim Kardashian yagaragaye yicaye mu modoka ya Lewis Hamilton ubwo uyu mushoferi yari ayitwaye. Kim yumvikanye avuga ati: “Ibyo biratangaje cyane,” nyuma yo kubona uburyo Hamilton yari atwaye.
Nyuma yaho muri uko kwezi, Kim na Hamilton bongeye gufotorwa bari kumwe ku mucanga wa Malibu, aho bagaragazaga ibimenyetso by’urukundo ndetse banasomana.
Muri Gicurasi 2026, ubwo bari i New York, Kim Kardashian na Lewis Hamilton bagaragaye bagendana bafatanye mu ntoki nyuma yo kureba umukino wo kuri Broadway witwa The Fear of 13.
Muri Kamena 2026, Kim Kardashian yagiye gushyigikira Hamilton mu irushanwa rya Monaco Grand Prix. Uyu mushoferi yashimiye cyane abantu bamushyigikira, avuga ko kuba Kim yari yaje kumuba hafi ari ikintu cyiza kuri we.
Muri Nyakanga 2026, ubwo Hamilton yari mu Bwongereza mu isiganwa rya British Grand Prix, yabajijwe niba Kim Kardashian yaratumye arushaho kugira ibyishimo. Yasubije ati“yego”, anavuga ko kuba afite abantu beza bamushyigikira ari ikintu cy’ingenzi kuri we.
Nyuma muri Nyakanga, Kim na Hamilton bongeye kumarana igihe bari ku kiyaga, aho Hamilton yashyize ifoto yabo ku mbuga nkoranyambaga.
Muri Kanama 2026, umwe mu bantu bari hafi y’aba bombi yabwiye Us Weekly ko Kim Kardashian na Lewis Hamilton “bakundana cyane.”
Uwo muntu kandi yavuze ko Kim ashobora kuba yifuza kuzabyarana abandi bana na Lewis Hamilton, ashimangira ko bombi basigaye bumva kandi bakumva utuntu twabo kurusha uko byari bimeze mbere.
Muri Nzeri 2026, ubwo bari i Paris mu Bufaransa, Kim Kardashian na Lewis Hamilton bagaragaye basomana munsi y’umunara wa Eiffel, mu mafoto Kim yashyize kuri Instagram.
Mu Kwakira 2026, Kim Kardashian yavuze ko nyuma yo gutandukana na Kanye West, yamaze imyaka itanu ari wenyine kandi ko icyo gihe cyamufashije kwibanda ku bana be, imishinga ye ndetse no kwiyitaho.
Kim yavuze ko muri icyo gihe atigeze yumva afite igitutu cyo kongera gukundana, ahubwo ko yashakaga kubanza gukira ibikomere.
Abajijwe niba ashaka kugira icyo atangaza ku mubano we na Lewis Hamilton, Kim Kardashian yasubije ko mu buryo bwubaha impande zombi, yahitamo kutawuvugaho.
Urukundo rwa Kim Kardashian na Lewis Hamilton rwatangiye ari ubucuti