Ni ubutumwa bwatanzwe na Minisiteri y’Urubyiruko n’Ubuhanzi ibinyujije ku rubuga rwayo rwa X, ivuga ko irarikiye urubyiruko rw’u Rwanda kuzitabira uyu muganda warwo wihariye uzaba mu tugari twose tw’igihugu.
Ni mu gihe u Rwanda rukomeje gushishikariza urubyiruko gushyira hamwe imbaraga mu bikorwa bigamije guteza imbere igihugu no kubaka u Rwanda twifuzwa, ndetse no gushyira imbere ingamba zo kurwanya ubusinzi, ibiyiobyabwenge, n’ibinyobwa bitujuje ubuziranenge.
Ni Umuganda wihariye ugenewe urubyiruko, ukaba uteganyijwe hirya no hino mu gihugu, aho urubyiruko ruzafatanya mu bikorwa bitandukanye by’iterambere n’imibereho myiza.
Hagati aho, Minisiteri y’Ubutegetsi bw’Igihugu yatangaje ko Umuganda rusange w’Inzeri 2026 uzaba ku wa 26 Nzeri 2026.
Uyu Muganda uzibanda ku bikorwa byatewe inkunga n’ubuvobozi bw’Inzego z’Ibanze, birimo ibikorwa byo gukumira ibiza bishobora guterwa n’imvura idasanzwe, cyane cyane mu minsi iri imbere.
Minisiteri kandi yatangaje ko hazatangwa ubutumwa bujyanye no kwirinda no kurwanya ibinyobwa n’ibiribwa bitujuje ubuziranenge.
Inzego z’Ibanze zisabwa kandi gufasha abaturage kumenya hakiri kare aho Umuganda uzabera n’ibikoresho bizakenerwa.
