Camilla yabigarutseho mu mashusho yashyizwe ahagaragara n’umuryango wa Maggie’s, ufasha abarwayi ba Kanseri n’imiryango yabo. Uyu muryango wizihizaga imyaka 30 umaze ukora ibikorwa byo gufasha abafite Kanseri, kandi Camilla ni Perezida wawo.
Yavuze ko nyuma gato y’uko King Charles asuzumwe Kanseri, yasuye ikigo cya Maggie’s kiri ku bitaro i Londres. Muri icyo gihe, uburwayi bw’umwami bwari bukiri ibanga, ku buryo Camilla yumvaga ashaka kubuvugaho ariko akumva ko igihe kitaragera cyo kubitangaza.
Umwamikazi Camilla yavuze ko ubwo yari muri icyo kigo yabonye abarwayi ba Kanseri n’ababafasha, bikamwibutsa uburyo ibigo nk’ibi bifite akamaro gakomeye ku barwayi ndetse no ku miryango yabo. Ati "Mu gihe cyari gikwiriye ko ibanga rikomeza, yumvaga ashaka kurivamo, ariko akomeza kuribika kuko atari igihe cyo kuritangaza."
Ingoro y’Umwami yaje gutangaza ku mugaragaro ko King Charles arwaye Kanseri muri Gashyantare 2024, nyuma y’uko abaganga bamusuzumye. Ingoro ntiyatangaje ubwoko bwa Kanseri afite, gusa yavuze ko atari Kanseri y’umuyoboro w’inkari (prostate), yari amaze kuvurirwa ikibazo cyawo.
Nubwo yari arwaye, King Charles yakomeje gukora imirimo imwe n’imwe y’Umwami, kandi Camilla yavuze ko umugabo we yari yariyemeje gukomeza gukora kugira ngo bimufashe guhangana n’uburwayi.
Kugeza ubu, King Charles aracyakira imiti, ariko ubuvuzi bwe bwaragabanyijwe nyuma y’uko abaganga babonye ko uburwayi bwafashwe hakiri kare kandi hakagira igikorwa neza mu buvuzi bwe.
Umuyobozi mukuru wa Maggie’s, Laura Lee, yavuze ko kuba King Charles na Princess Kate bararangiye bavuga ku burwayi bwabo bwa Kanseri byagize uruhare mu gutuma abantu benshi barwaye Kanseri bumva ko bashobora kuvuga ku bibazo byabo no gushaka ubufasha.
Yongeyeho ko amagambo ya Camilla agaragaza ko n’abagize umuryango w’umurwayi na bo bakenera ubufasha mu gihe uwo bakunda arwaye Kanseri.