Ibi byabaye ubwo uyu musifuzi witwa Jan Smit yasifuraga umukino wa nyuma wa shampiyona y'icyiciro cya 4 mu gihugu cy'u Buhorandi aho ikipe ya SV De Valken yakinaga na St. George.
Muri uyu mukino, Jan Smit yahaye amakarita 3 y'umutuku abakinnyi ba SV De Valken ndetse n'indi imwe ku mutoza. Iminota 90 isanzwe y'umukino yarangiye amakipe yombi anganya igitego 1-1 maze uyu musifuzi yongeraho iminota 15, birangira St. George ariyo itsinze yegukana igikombe.
Nyuma yuko St. George yegukanye igikombe mu gihe cyo kucyishimira Jan Smit yagiye kwifatanya n'abakinnyi b'iyi kipe ndetse anaririmba indirimbo yayo.
Nyuma yaho Ishyirahamwe ry'umupira w'amaguru mu Buhorandi ryaje kumufatira ibihano byo kutazongera gusifura umupira w'amaguru mu buzima bwe bwose bitewe nuko nta musifuzi uba ukwiriye gufata uruhande.
Jan Smit we avuga ko ibihano byamufatiwe bidakwiriye, kubera ko icyo yakoze ari ukuririmba indirimbo y'ikipe gusa ariko akaba atari agamije kwishimana n'ikipe yatwaye igikombe.
Umusifuzi wagiye kwishimana n'ikipe yatwaye igikombe bikamuviramo guhagarikwa burundu