Ku Cyumweru tariki ya 01 Gashyantare, ikipe ya Nairobi United yo muri Kenya ikinamo Buregeya Prince na Hakizimana Muhadjiri yatsinzwe na Azam muri CAF Confédération Cup igitego 1-0. Hakizimana Muhadjiri yari yabanje mu kibuga mu gihe Buregeya Prince atigeze akoreshwa kuri uyu mukino.
Ku wa Kabiri w’Icyumweru gishize, ikipe ya Al Ahli Tripoli ikinamo Manzi Thierry yatsinze Abu Salim igitego 1-0 muri shampiyona. Uyu myugariro w’Umunyarwanda yari yabanje mu kibuga, asimbuzwa ku munota wa 76.
Kugeza ubu Al Ahli Tripoli iyoboye urutonde rwa shampiyona ikaba isubira mu kibuga ikina na Al Khums kuri uyu wa Mbere saa Cyenda n’iminota 30.
Ku wa Mbere w’Icyumweru gishize kandi muri iyi shampiyona ikipe ya Assabah SC ikinamo Nsabimana Aimable yatsinzwe na Swehly SC ibitego 2-1. Uyu myugariro yabanje mu kibuga ndetse nta nubwo yigeze asimbuzwa.
Muri iyi shampiyona ya Libya kandi ku wa Kabiri w’Icyumweru gishize ikipe ya Al Soqour ikinamo Rwatubyaye Abdul yatsinzwe na Al Sadaqa ibitego 3-0. Uyu myugariro yabanje mu kibuga ndetse nta nubwo yigeze asimbuzwa.
Muri shampiyona ya Tunisia, ku wa Gatandatu ikipe ya ES Zarzis ikinamo Nshuti Innocent yanganyije na Ben Guerdane 0-0. Uyu rutahizamu w’Amavubi yakinnye iminota yose y’umukino.
Muri iyi shampiyona kandi ku wa Gatandatu ikipe ya Olympique Béja ikinamo Ishimwe Anicet yatsinzwe na JS Kairouanaise 1-0. Uyu mukinnyi w’Umunyarwanda ntabwo yigeze akoreshwa kuri uyu mukino.
Ejo ikipe ya Al Masry ikinamo Mugisha Bonheur yatsinzwe na Zamalek ibitego 2-1 muri CAF Confédération Cup. Uyu mukinnyi w’Umunyarwanda yabanje mu kibuga ndetse yakinnye iminota yose.
Muri shampiyona y’icyiciro cya mbere mu Bubiligi,ku munsi wejo ikipe ya Raal La Louviere ikinamo Samuel Gueulette yanganyije na Gent 1-1. Ntabwo uyu mukinnyi yabanje mu kibuga ariko yinjiyemo asimbuye ku munota wa 40.
Ku munsi w'ejo muri shampiyona ya Cyprus ikipe ya AEL Limmasol ikinamo Imanishimwe Emmanuel Mangwende yatsinze Aris Limmasol 2-1. Mangwende yabanje mu kibuga ndetse ntabwo yasimbujwe.
Ku wa Gatandatu ikipe ya FC Zira ikinamo Mutsinzi Ange yatsinzwe na Sabah ibitego 3-1. Nk'uko bisanzwe uyu myugariro yabanje mu kibuga arangiza n’umukino.
Raal La Louviere yanganyije na Gent 1-1
ES Zarzis ikinamo Nshuti Innocent yanganyije na Ben Guerdane 0-0