Umunyamakuru Antoinette Niyongira yasabwe anakobwa n’umukunzi we Kigenza Aimé Patrick - AMAFOTO

Ku gicamunsi cyo kuri uyu wa Gatandatu tariki 21 z’uku kwezi k’Ugushyingo 2015, nibwo Kigenza Aimé Patrick yerekeje iwabo wa Antoinette Niyongira aherekejwe n’abo mu muryango we ndetse n’inshuti zari zimugaragiye, aramusaba ndetse amaze kumwemererwa n’umuryango aramukwa, mu birori byizihirijwe ahitwa mu Mudendezo mu karere ka Kicukiro mu mujyi wa Kigali.

Ibyicaro by'abageni byari byateguwe neza kuburyo byari binogeye ijisho

Antoinette yasabwe ndetse amaze kwemererwa Patrick baranamukwa

Antoinette ubwo yashyikirizwaga umukunzi we Patrick

Ibi birori byari agahebuzo, byitabiriwe n’abanyamakuru benshi bagenzi ba Antoinette Niyongira barimo abo bagiye bakorana mu bitangazamakuru bitandukanye ndetse n’abo mu bindi bitangazamakuru bagiye bahurira mu kazi, ndetse abanyamakuru benshi bagaragaye mu bikorwa n’imirimo yatumye ibi birori bigenda neza.

Abageni bahanye impano nka kimwe mu bimenyetso by'urukundo rwabo

Abafata amafoto n'amashusho meza y'urwibutso rw'ubukwe bwabo nabo bari babukereye

Umunyamakuru Sandrine Isheja yari agaragiye Antoinette muri ibi birori by'ubukwe bwe

Umunyamakuru Ariane Uwamahoro wa RBA nawe yari yaje gushyigikira mugenzi we

Assumpta Mukeshimana wa TV1 nawe yari umwe mu baje gufatanya na Antoinette ngo ubukwe bwe bugende neza

Umunsi wari utegerejwe na bombi wari wageze, ibyishimo byari byose

Abageni bagaragazaga ibyishimo mu maso yabo, bakajya bananyuzamo kenshi bakamwenyura

Abahanzi batandukanye basusurukije ibi birori byo gusaba no gukwa

Nyuma y’iyi mihango yo gusaba no gukwa, tariki 28 Ugushyingo 2015, Antoinette na Patrick bazasezerana imbere y’Imana, ndetse banizihize ibirori by’ubukwe bwabo muri Green Hills i Nyarutarama mu mujyi wa Kigali ari naho abatumiwe muri ibi birori bazakirirwa, bagafatanya n’inshuti n’imiryango kwizihiza no kwishimira uyu munsi wabo udasanzwe.

Antoinette Niyongira na Aimé Patrick Kigenza bagiye kubana nyuma y’imyaka ine bamaze bakundana, muri Kanama umwaka ushize bakaba aribwo bagaragaje gahunda ihamye y’urukundo rwabo ubwo uyu musore Patrick Kigenza yambikaga umukunzi we Antoinette impeta y’urukundo (Fiancailles) imuhamiriza ko ari we mukobwa yahisemo ko bazabana akaramata.