Francis Lee yakiniye Manchester City mu 1967-1974. Uyu nyakwigendera, yakiniye Man City imikino 330, ayitsindira ibitego 148.
Mu 1990 Francis Lee niwe wari chairman wa Manchester City.
Na Manchester City yakoze itangazo irinyujije ku rukuta rwa X rivuga ko umunyabwigwi wayo yitabye Imana.
Iri tangazo rigira riti " Dufite agahinda ndetse n'akababaro mu mitima yacu. Tubabajwe no kubamenyesha urupfu rw'uwahoze ari umukinnyi wacu, akaba yaranabaye chairman wacu, Francis Lee.
" Buri wese ukunda Manchester City, tumwifurije kwifayanya n'umuryango wa Francis Lee, mu bihe bikomeye by'akababaro.
Nyakwigendera Francis Lee, yatangiye gukina umupira w'amaguru mu ikipe ya Bolton. Ubwo yavaga muri Manchester City mu 1974, yagiye mu ikipe ya Derby.
Francis Lee, yakiniye ikipe y'igihugu y' u Bwongereza imikino 27, ayitsindira ibitego 10.
Manchester City yanatangaje ko Francis Lee, yitabye Imana ku myaka 79, nyuma yo kumara igihe arwaye Kanseri. Francis Lee, asize umugore we Gill ndetse n'abana barimo Jonny Charlotte na Nik Say.
Mu rwego rwo guha Francis Lee icyubahiro, Manchester City yavuze ko izashira amabendera ku Kibuga cyayo cya Etihad. Ayo mabendera azaba agamije kumwibuka.
Francis Lee wamenyekanye muri Manchester City no mu ikipe y'igihugu y' u Bwongereza yitabye Imana ku myaka 79 y'amavuko
