Iyi kipe niyo yamutangaje kuri uyu wa Gatandatu ibinyujije ku mbuga nkoranyambaga. Yamuhaye ikaze ndetse inavuga ko yamusinyishije amasezerano y’umwaka umwe. Ndong Mengue Chancelor yerekeje mu ikipe ya Gorilla FC nyuma y’uko yari amaze ibyumweru bitatu akora igeragezwa muri Rayon Sports, gusa urwego rwe rukaba rutarashimwe.
Uyu mukinnyi w’imyaka 18 yari asanzwe akinira ikipe ya Union Sportive d'Oyem y’iwabo muri Gabon. Mu mwaka ushize w’imikino yakinnye imikino 18 atsindamo ibitego 5 ndetse atanga imipira 8 yabivuyemo. Ni umukinnyi wa kabiri werekeje mu ikipe ya Gorilla FC yari yavuzee muri Rayon Sports muri iyi mpeshyi nyuma ya Mosengo Tansele.
Gorilla FC ni imwe mu makipe yiyubatse isinyisha abakinnyi bashya ndetse inongerera amasezerano abo yari isanganwe. Yasinyishije abarimo Akayezu Jean Bosco na Masudi Narcisse.
Ndong Mengue Chancelor yasinye amasezerano y'umwaka umwe muri Gorilla FC
