Bellarmine Mugabe w'imyaka 28, yafashwe nyuma y'uko umugabo w'imyaka 23, bivugwa ko yakoraga isuku mu busitani, arashwe agakomereka.
Polisi yavuze ko mu isaka ryakorewe mu nzu iherereye i Hyde Park, aho Bellarmine Mugabe yari acumbitse, habonetse amasasu (bullet cartridges) ariko hakaba hatabonetse imbunda.
Bellarmine Mugabe ni umuhungu muto wa Robert Mugabe n'umugore we wa kabiri Grace Mugabe.
Robert Mugabe, wapfuye mu 2019, yayoboye Zimbabwe imyaka 37, nyuma ahatirwa kuva ku butegetsi afite imyaka 93 muri 2017.
Bellarmine Mugabe yatawe muri yombi ari kumwe n’undi mugabo mu gihe iperereza rigikomeje. Itangazo rya polisi rivuga ko bombi baragezwa mu rukiko vuba
Polisi ntiratangaza ku mugaragaro ko Bellarmine Mugabe ari umwe mu bafashwe, ariko abanyamakuru bari bari aho byabereye bamubonye yambitswe amapingu, kandi itangazamakuru ryo muri Afurika y'Epfo ryamuvuze cyane nk'umwe mu bafashwe.
Umuvugizi wa polisi yongeyeho ko umuntu wakomeretse ari mu bitaro, kandi ko ameze nabi cyane, nyuma yo kuraswa isasu rimwe.