Ni
intambwe ikomeye mu rugendo rwe rw’amasomo, aho avuga ko igamije kurushaho
kumufasha gusobanukirwa no kugira uruhare mu miyoborere y’isi iri guhinduka
cyane kubera iterambere ry’ikoranabuhanga.
Mu
butumwa burebure yasangije abamukurikira kuri konti ye ya Instagram kuri uyu wa Gatanu tariki 15 Gicurasi 2026, Dejoie
yagaragaje ibyishimo bikomeye byo gutangira aya masomo, anavuga ku mpinduka
zikomeye isi iri gucamo.
Yavuze
ko yishimiye cyane kuba yarakiriwe muri Kaminuza ya Columbia International
University kugira ngo atangire PhD mu bijyanye n’imiyoborere y’imiryango.
Akomeza
avuga ko Isi yahindutse cyane, ku buryo ikoranabuhanga rigezweho nka AI
(ubwenge buhangano) riri guhindura ibintu byose mu buryo bwimbitse kandi
bwihuse.
Yongeraho
ko abayobozi b’ubu bahora batekereza uburyo bwo guhuza n’iyo si nshya
ihindagurika buri gihe, aho ibintu bidahoraho nk’uko byari
bisanzwe.
Yumvikanishije
ko Isi ya none ihora ihindagurika hagati y’imiterere itandukanye nk’aho ibintu
bijya imbere bigasubira inyuma, bityo bikaba bisaba abayobozi kugira ubwenge
bwo guhuza n’izo mpinduka buri gihe.
Akomeza
agaragaza icyizere afite ku hazaza h’ubuyobozi, ashimangira ko iterambere
ry’abazabaho mu bihe biri imbere rizashingira ku bayobozi bafite ubumenyi,
ubwenge n’indangagaciro nziza.
Mu
gusoza ubutumwa bwe, yashimiye cyane umugore we Clarisse Karasira, amwita
“inkingi” ye, avuga ko urukundo amuha rumuha imbaraga zo kugera kure no
gutsinda.
Ibi
bije nyuma y’aho ku wa 25 Mata 2026, Ifashabayo Sylvain Dejoie yari yahawe
impamyabumenyi y’icyiciro cya gatatu cya kaminuza 'Master’s' mu bijyanye
n’icungamutungo yakuye muri Western Governors University.
Ni
urugendo rwe rukomeje gukurikirwa cyane, aho benshi bamwifuriza ishya n’ihirwe
muri iyi ntambwe nshya yo kwagura ubumenyi ku rwego mpuzamahanga.
Ifashabayo Sylvain Dejoie yavuze ko yifuza gutanga umusanzu mu guteza imbere imiyoborere myiza ku Isi