Muri uyu mwaka ikipe ya Chelsea ntabwo yahiriwe. Kugeza Chelsea imaze gutakaza imikino 14 muri English Premier League. Mu mukino imaze gukina kugeza ubu, abakinnyi ba Chelsea banyuze imbere y’abatoza batatu batandukanye.
Uyu muherwe Tood Bohely, yatanze arenga miliyoni magana atandatu z’amayero mu kugura abakinnyi bagiye batandukanye. Muri aya masoko y’igura n’igurisha abiri ashize, Chelsea yaguze abakinnyi 13.
Abakinnyi ikipe ya Chelsea yaguze ni aba bakurikira.
Raheem Sterling: Uyu musore yageze muri Chelsea avuye mu ikipe ya Manchester City. Yaje aguzwe miliyoni 47.5 z’amayero. Uyu mukinnyi mu mikino 24 yakiniye ikipe ya Chelsea yatsinzemo ibitego bine gusa, atanga imipira ibiri yavuyemo ibitego.
Kalidou Koulibaly: Uyu mukinnyi yaje muri Chelsea avuye mu ikipe ya Napoli, yaje aguzwe Miliyoni 33 z’amayero. Uyu mukinnyi yaje yitezweho gusimbura Antonio Rudger wari werekeje mu ikipe ya Real Madrid. Mu ikipe ya Chelsea Kalidou ntabwo ibihe byamubereye byiza kuko yaranzwe no kugira ibibazo by’imvune.
Carney Chukwuemeka: Uyu mukinnyi yaje muri Chelsea avuye mu ikipe ya Aston Villa. Yaje muri iyi kipe aguzwe miliyoni 20 z’amayero. Uyu mukinnyi nawe ntabwo yasoje ubutumwa bwe uko byari byitezwe kuko yafashije Chelsea mu mukino 11 ya English Premier League gusa.
Marc Cucurella: Uyu mukinnyi yaje muri Chelsea avuye mu ikipe ya Brighiton and Hove Albions. Yaje aguzwe miliyoni 60 z’amayero. Uyu mukinnyi ukina inyuma ku ruhande rw’ibumoso ntabwo yahiriwe kuko imvune zatumye adafasha ikipe ye uko byari byitezwe.
Wesley Fofana: Uyu mukinnyi yaje muri Chelsea avuye mu ikipe ya Liecester City. Yaje aguzwe miliyoni 70 z’amayero. Uyu musore w’imyaka 22 ni umwe mu bakinnyi bagerageje kwitwara neza kuko yafashije Chelsea mu mutima wa Defanse.
Pierre-Emerick Aubameyang: Uyu mukinnyi yaje muri Chelsea avuye mu ikipe ya FC Barcelona. Yaje aguzwe miliyoni 10.5 z’amayero. Uyu rutahizamu wari warabiciye bigacika mu gihugu cy’u Budage, yabyongereye mu ikipe ya Barcelona. Ageze mu Bwongereza nawe byaramuciye aracika. Kuko kugeza ubu nta kintu kigaragara yamariye ikipe ya Chelsea.
Denis Zakaria: Uyu mukinnyi yaje muri Chelsea avuye mu ikipe ya Juventus. Uyu mu Suwisi yaje muri Chelsea nk’intizanyo. Kubera ikibazo cy’imvune byamusabye gutegereza ukwezi kw’Ukuboza ngo abe ari bwo akinira Chelsea. Ibi nabwo ntabwo byamuhiriye kuko imvune yagumye kumubera imvune.
David Darto Fofana: Uyu mukinnyi yaje muri Chelsea avuye mu ikipe ya Molde. Yaje aguzwe miliyoni 10 z’amayero. Uyu mukinnyi nawe ntabwo yakwifuza kwandika ibyamubayeho mu ikipe ya Chelsea kuko nawe ari mu bagize umwaka mubi.
Benoit Badiashile: Uyu mukinnyi yaje muri Chelsea avuye mu ikipe ya AS Monaco. Yaje aguzwe akayabo ka miliyoni 33 z’amayero.
Uyu mukinnyi w’umufaransa, nawe yagize intangiriro nziza mu ikipe ya Chelsea. Uko iminsi yagiye yicuma siko byagumye kugenda. kuko ubu mu mukino irindwi iheruka Benoit yakoreshwaga ari uko asimbuye.
Joao Felix: Uyu mukinnyi yaje muri Chelsea avuye mu ikipe ya Atletico Madrid. Uyu mukinnyi n’ubwo ari intizanyo yatanzweho miliyoni 10 z’amayero.
We ikipe ya Chelsea ntabwo yamuhiriye kuko ku mukino wa mbere yatangiye abona ikarita itukura. Uyu munya Portugal yaje muri Chelsea aje gufasha ubusatirizi bwayo gusa yasanze atariwe mucunguzi wari witezwe.
Mykhailo Mudryk: Uyu mukinnyi yaje muri Chelsea avuye mu ikipe ya Shakhtar Donetsk. Yaje muri Chelsea aguzwe akayabo ka miliyoni 62 z’amayero.
Uyu munya Ukraine wageze muri Chelsea nyuma ya gapapu ikomeye yakorewe Arsenal. yagerageje kubona umwanya uhagije wo gukina ariko ntabwo yatanze ibyishimo nk’uko byari byitezwe.
Noni Madueke: Uyu mukinnyi yageze muri Chelsea avuye mu ikipe ya PSV Eindhoven. Uyu muhungu yaje muri Chelsea kuri miliyoni 29 z’amayero. Uyu Noni Madueke yabonye igitego cye cya mbere ku mukino bari bakinnyemo na Arsenal. Ntakingenzi yafashije ikipe kuko ikipe ya Chelsea yagumye mu bihe bitayoroheye.
Enzo Fernandez: Uyu mukinnyi yaje muri Chelsea avuye mu ikipe ya Benfica. Yaje aguzwe miliyoni 106 z’amayero. Uyu mukinnyi ukinira ikipe y’igihugu imwe na Messi, yaje muri iyi kipe amaze guhesha igihugu ke igikombe cy’isi.
Fernandez nawe yasanze ikipe ya Chelsea irwaye ntagikomeye yari kuyifasha, kuko ibyo yakoze byaburijwemo n’umusaruro mubi w’ikipe muri Rusange.
Umuherwe wa Chelsea Tood Bohely yashoye amafaranga menshi mu kugura abakinnyi batandukanye
Kalidou Kulibaly yaje muri Chelsea avuye mu Ikipe ya Napoli. Muri Napoli yari ameze neza
Joao Felix yavuye muri Atletico Madrid. Muri iyo kipe ntabwo yari yishimiye imikinire y'umutoza Diego Simeon
Marc Cucurella yavuye muri Brighiton and Hove Alibons.
Pierre Aumerike Aubamiyang nyuma yo kubica bigacika mu Budage no muri Arsenal, nawe muri Chelsea biri kumuca agacika
Raheem Sterling yabaye Rutahizamu w'ikitegererezo mu Ikipe ya Liverpool na Manchester city
Enzo Fernandez yaje muri Chelsea nyuma yo kwegukana igikombe cy'isi