Kuri uyu wa Mbere tariki ya 04 Gicurasi 2026 saa Tatu z’ijoro ni bwo ikipe ya Everton yari yakiriye Manchester City mu mukino wo ku munsi wa 35 wa shampiyona y’icyiciro cya mbere mu Bwongereza kuri Hill Dickinson Stadium, ukaba warangiye amakipe yombi anganyije ibitego 3-3.
Benshi batekerezaga ko Manchester City yagomba gutsinda uyu mukino ndetse koko iza gufungura mbere amazamu ku gitego cya Jeremy Doku ahawe umupira na Rayan Cherki ku munota wa 43.
Icyakora, ku munota wa 68 myugariro wa Manchester City, Marc Guehi yakoze ikosa rikomeye ryatumye Everton itekereza ko bishoboka, yihera umupira Thierno Barry ahita atsinda igitego.
Ku munota wa 73 Jake O’Brien yatsinze igitego cya kabiri ahawe umupira na James Garner, ubundi ku munota wa 81 Thierno Barry atsinda icya Gatatu.
Nubwo ku munota wa 83 Erling Haaland yahise atsinda igitego cya kabiri naho ku munota wa nyuma w’umukino Jeremy Doku agatsinda icya Gatatu, byarangiye Manchester City ibuze amanota atatu itahana inota rimwe.
Manchester City iri ku mwanya wa kabiri yahise irushwa amanota atanu na Arsenal nubwo igifite umukino w’ikirarane.
Arsenal isigaje imikino itatu aho izasura West Ham, ikakira Burnley ndetse igasura Crystal Palace.
Ni mu gihe Manchester City yo izakira Brentford, isure AFC Bournemouth, yakire Crystal Palace inakire Aston Villa.
Bivuze ko kugira ngo Arsenal itware igikombe cya shampiyona y’u Bwongereza iheruka muri 2004 isabwa gutsinda imikino yayo yose isigaye. Ni mu gihe Manchester City iramutse itsinze imikino yayo yose isigaye, byarangira idatwaye igikombe.
Biracyashoboka ko Man. City yatwara igikombe, ariko byasaba ko itsinda imikino yayo yose, Arsenal nayo ikagira imikino itakaza. Icyakora, amahirwe menshi cyane yo gutwara igikombe kugeza ubu ahengamiye kuri Arsenal imaze imyaak 24 itazi uko gisa.
Ikosa rimwe ryakozwe na myugariro wa Manchester City rishobora guhoza amarira abafana ba Arsenal
Umutoza wa Manchester City yabaye nk'ukubiswe n'inkuru nyuma y'ikosa ryakozwe na myugariro we
Everton yakoze mu jisho rya Manchester City mu ijoro ryacyeye
Arsenal ishobora gutwara igikombe cya shampiyona y'uyu mwaka - amahirwe yiyongereye cyane