Imwe mu ndirimbo zikomeje kugira igikundiro cyo hejuru mu
Karere k’Ibiyagabigari ni "Komasava Remix", Diamond yasubiranyemo na
rurangiranwa mu njyana ya pop na RnB, Jason Derulo.
Amashusho y’iyi ndirimbo yafatiwe mu bihugu
bitandukanye birimo muri Leta Zunze Ubumwe z’Abarabu muri Dubai aho aba bahanzi
bombi bahuriye.
Nk'uko byatangajwe n’Umujyanama wa Diamond, SK Sallam
yavuze ko iyi ndirimbo yatwaye amafaranga arenga Miliyoni 242Frw
[Miliyoni 500 z’amashilingi ya Tanzania].
Ni amafaranga yakoreshejwe ku bintu bitandukanye birimo kwishyura aho yakorewe,
abayikoze n'aho kurara aho byabaye ngombwa n’ibindi.
SK Sallam avuga kuri iyi ngingo yagize ati: "Iyi ndirimbo
yakorewe ahantu hatandukanye, ikorwa n'aba ‘video director’ batatu. Yafatiwe mu
duce turimo ubutayu bwa Dubai, muri Paris n’ahandi "
Sallam avuga ko kimwe mu byatumye iyi ndirimbo ihenda kurushaho
harimo no kuba yarahuriyemo abahanzi benshi, kandi byasabye Diamond kujya
muri South Africa kugira ngo bafate amashusho na Chleye Nkosi na Khalil Hilson.
Mu bindi basabwe gukora mu buryo bwihuse harimo kwishyura ikiguzi cyo gukorana Derulo aho bashyizwe ku gitutu ati: "Ntabwo byari byoroshye gushyira buri kimwe ku murongo kuko nta mwanya wari uhari wo kwitegura.
Twasabwe kwishyura Derulo byihuse, twagombaga kwishyura ahantu hatandukanye ho
gukorera kimwe n’ikiguzi cyo kwemererwa gufatira amashusho i Dubai."
Sallam agaragaza ko basabwaga guhita batangira gukora kuko umwanya wari muto kuri buri
kintu cyose.
Iyi ndirimbo yihariye agahigo ko kugira abayirebye
inshuro Miliyoni 1 kuri YouTube mu gihe kingana n’amasaha 14, mu gihe kitagera
ku minsi ibiri yari yamaze kurebwa na Miliyoni zisaga 2.
Kuva yajya hanze kuwa 25 Nyakanga 2024, kugera
ubwo twakoraga iyi nkuru imaze kurebwa inshuro zigera kuri Miliyoni 4 kuri uru
rubuga.
Sallam SK ubwo yari kumwe na Diamond i Dubai mu ifatwa ry'amashusho ya "Komasava Remix"
Jason Derulo n'itsinda rye bashyize ku gitutu Diamond ngo abishyure kugira ngo bahite barangiza akazi i Dubai
KANDA HANO UREBE KOMASAVA REMIX