Gutsindwa kwa Paris Saint-Germain, byatumye iguma ku mwanya wa nyuma nta nota na rimwe ifite, mu mikino ibiri imaze gukinwa mu itsinda rya C.
Umukino utari woroshye ku mpande zombi, igitego cyaje gutandukanya izo mpande cyabonetse ku munota wa 21, gitsinzwe na Magdalena Eriksson wa Bayern Munich.
Mu itsinda rya Gatatu, AS Roma niyo iyoboye urutonde n'amanota ane, iyanganya na Bayern Munich ya Kabiri. Ajax Amsterdam ni iya gatatu n'amanota atatu, naho Paris Saint-Germain ni iya nyuma nta nota na rimwe ifite.
AS Roma, yabonye amahirwe yo kuyobora itsinda rya Gatatu, nyuma y'uko yari imaze gutsinda Ajax Amsterdam ibitego bitatu ku busa. Ibitego bibiri byatsinzwe na Valentina Giacinti, naho icya Gatatu gutsindwa na Manuela Giugliano.
Mu itsinda rya D, Real Madrid yatsinzwe na BK Haecken Women ibitego bibiri kuri kimwe, naho Chelsea itsinda Paris FC ibitego bine kuri kimwe. Ibitego bitatu bya Chelsea byatsinzwe na Sam Kerr, naho icya Kane gitsindwa na Ingle. Thea Greboval niwe watsinze igitego rukumbi cya Paris FC.
Paris Saint-Germain yatsinzwe na Bayern Munich, iguma kuba iya nyuma mu itsinda