Nyuma y’uko hamenyekanye amakipe 8 yazamutse avuye mu mikino ya kamarampaka ya UEFA Champions League 2026 akaba yarahise yiyongera ku yandi 8 yari yarakatishike itike mbere, kuri uyu wa Gatanu tariki ya 27 Gashyantare 2026 ku cyicaro cya UEFA i Nyon mu Busuwisi habereye tombora y’uko azahura muri 1/8.
Manchester City izahura na Real Madrid, Sporting CP ihure na Bodø/Glimt, Chelsea ihure na Paris Saint‑Germain, Barcelona ihure na Newcastle, Liverpool ihure na Galatasaray, Tottenham ihure na Atlético Madrid, Bayern Munich ihure na Atalanta naho Arsenal ihure na Bayer Leverkusen.
Iyi ni inshuro ya 6 ikipe ya Manchester City igiye guhura na Real Madrid muri UEFA Champions League mu myaka 7 iheruka.
Uko amakipe yatomboranye muri 1/8 ni na byo bizagena uko uzahura muri 1/4 na 1/2 cya UEFA Champions League. Imikino ibanza ya 1/8 iteganyijwe tariki ya 10 na 11 Werurwe mu gihe iyo kwishyura ari 17 na 18 Werurwe 2026.
Real Madrid izahura na Manchester City muri 1/8 cya UEFA Champions League