Uyu muhango w’akarasisi wabaye kuri uyu wa Gatatu tariki ya 3 Nzeri 2025 ubera mu murwa mukuru Beijing. Wabaye mu rwego kwizihiza imyaka 80 ishize Ubushinwa butsinze Ubuyapani mu ntambara ya kabiri y'isi.
Perezida w’Ubushinwa, Xi Jinping yari kumwe n’abandi bakuru b’ibihugu 25 bitabiriye aka karasisi barimo Vladimir Putin w'u Burusiya na Kim Jong Un wa Korea ya Ruguru. Ni ubwa mbere Xi Jinping, Putin na Kim bahuriye hamwe imbona nkubone.
Mbere y'akarasisi, Perezida w’u Bushinwa yabanje gusuhuza abayobozi baje kwifatanya n'u Bushinwa. Mu ijambo rye yasabye abaturage b'u Bushinwa kwibuka intsinzi y'iki gihugu ku Buyapani mu ntambara ya kabiri y'isi. Yavuze ko Ubushinwa budahagarikwa kandi ko butazigera buterwa ubwoba n'abazana ibikangisho’
Perezida wa Amerika, Donald Trump abinyujije ku rubuga rwe rwa Truth Social, yavuze ko Xi , Jinping, Kim na Putin barimo kugambana mu kurwanya Leta Zunze Ubumwe za Amerika.
Mu ntwaro nshya Ubushinwa bwagaragaje zirimo misile kirimbuzi yambukiranya imigabane (nuclear intercontinental ballistic missile), ibimodoka rutura bitwara za misile zizwi nka 'hypersonic weapons', n'intwaro nshya itari izwi ikoresha imirasire (laser) izwi nka 'LY-1'.
Ubushinwa bwamuritse intwaro nshya za rutura
