Uyu mukinnyi w’imyaka 18 yegukanye umwanya wa mbere mu
isiganwa ry’ibilometero 10,2 ryabaye mu gitondo cyo kuri uyu wa Gatatu, tariki ya 21 Ukwakira 2026, ahesha
u Rwanda umudali wa mbere wa Zahabu muri iyi Shampiyona.
Masengesho yakoresheje iminota 15 n’ amasegonda 37,
agendera ku muvuduko mpuzandengo wa kilometero 39,181 ku isaha.
Umunya-Ethiopia Gimbato Rahel ni we wasoreje ku mwanya
wa gatatu, akoresheje iminota 16 n’amasegonda
8 arushwa na Masengesho n’amasegonda 31.
Iri rushanwa ryitabiriwe n’abakinnyi 17 baturutse mu
bihugu 12 bya Afurika, birimo Afurika y’Epfo, Algeria, u Burundi, Kenya,
Nigeria, Sénégal, Uganda, Lesotho na Namibia.
Intsinzi ya Masengesho ni intangiriro nziza ku Ikipe
y’Igihugu y’u Rwanda yitabiriye Shampiyona Nyafurika y’Amagare ya 2026 ifite
abakinnyi 29, bazahatana mu byiciro bitandukanye.
Shampiyona Nyafurika y’Amagare ya 2026 irakomeje
kubera i Kisumu muri Kenya, aho abakinnyi bazakomeza guhatanira imidali mu
bindi byiciro birimo isiganwa rya Mixed Relay, rihuza abakinnyi b’abahungu
n’abakobwa.
Hateganyijwe kandi amasiganwa yo mu muhanda mu byiciro by’abatarengeje imyaka 17, abatarengeje imyaka 19, abatarengeje imyaka 23 ndetse n’abakuru.
Umunyarwandakazi Masengesho Yvonne yegukanye Umudali wa Zahabu muri Shampiyona Nyafurika y'Amagare