U Rwanda rwatangiye neza imikino yo gukuranwamo, rutsinda Gambia amaseti yose uko ari atatu, ku manota 25-18, 25-18 na 25-18, mu mukino wabaye kuri uyu wa Gatandatu, tariki ya 19 Nzeri 2026.
Uyu mukino wabereye muri Palais des Sports El Menzah i Tunis, aho u Rwanda rwerekanye ubudahangarwa kuva ku iseti ya mbere kugeza ku ya nyuma.
Mu iseti ya mbere, u Rwanda rwagaragaje imbaraga ruyobora umukino kuva utangiye. Rwagiye rwinjiza ikinyuranyo cy’amanota menshi, ndetse ruyisoza rufite amanota 25 kuri 18 ya Gambia.
Iseti ya kabiri yaranzwe no guhangana gukomeye, aho amakipe yombi yakomeje kugendana hafi mu manota. U Rwanda rwaje kongera imbaraga mu gice cya nyuma cy’iyi seti, ruyitsinda 25-18.
Mu iseti ya gatatu, Gambia yagerageje kugaruka mu mukino, ariko abakinnyi b’u Rwanda bakomeza gukina neza, babasha kongera kubona ikinyuranyo ndetse bayitsinda 25-18, bituma umukino urangira ari amaseti 3-0.
Nyuma yo gukomeza muri ¼, u Rwanda ruzakina na Tunisia kuri iki Cyumweru, tariki ya 20 Nzeri 2026.
Tunisia ni kimwe mu bihugu bitatu bitakinnye imikino ya 1/8, nyuma yo kuyobora itsinda ryayo mu mikino y’amatsinda.
U Rwanda rwakatishije itike ya ¼ cy’Igikombe cya Afurika muri Volleyball