Ku Cyumweru ni bwo kuri St.Jakob Park mu Buhorandi hakinywe umukino wa nyuma wa Euro mu Bagore. Espagne yari yasezereye u Budage muri 1/2 yari yacakiranye n’u Bwongereza bwo bwari bwasezereye u Butaliyani.
Iminota isanzwe y’uyu mukino yarangiye ari igitego 1-1 aho Espagne ariyo yari yafunguye amazamu mbere ku gitego cya Mariona Caldentey ku munota wa 25 ahawe umupira na Ona Batle naho u Bwongereza bukaza bwishyura ku munota wa 57 ku gitego cya Alessia Russo ahawe umupira na Chloe Kelly.
Hongeweho iminota 30 biba iby’ubusa rubura gice bituma hitabazwa penariti. Ku ruhande rw’ikipe y’igihugu y’u Bwongereza binjije penariti 3 naho ku ruhande rwa Espagne binjiza penariti 1.
U Bwongereza bwahise bwegukana igikombe cya Euro ku nshuro ya kabiri bwikurikiranya nyuma y’uko aribwo bwari bufite igikombe giheruka cya 2023.
Aitana Bonmati niwe wabaye umukinnyi w’irushanwa ndetse aza no gusaba imbabazi kuri penariti yarase bikagira uruhare mu gutuma ikipe ye y’igihugu ya Espagne ibura igikombe.
Ikipe y'igihugu y'u Bwongereza yegukanye Euro y'Abagore