Mu kiganiro cyihariye na InyaRwanda, Tukowote yavuze ko hashize umwaka umwe n’igice akundana n’uyu mukobwa.
Yavuze ko muri uyu mwaka ari bwo bazakora ubukwe. Ati: “Ibyo mwabonye ni ukuri. Umwaka ushize ni bwo natangaje ko ngiye gukora ubukwe, rero umwaka navugaga ni uyu (2026). Ubu, umwaka umwe n’igice biratambutse turi mu rukundo.”
Tukowote yavuze ko n’ubwo yasohoye amashusho ye amugaragaza atera ivi, ariko “byabaye ku wa Gatatu w’iki Cyumweru tariki 3 Gashyantare 2026”.
Uyu mugabo yavuze ko byinshi bijyanye n’urugendo rwe rw’urukundo n’uyu mukobwa bizatangazwa mu gihe kiri imbere.
Mu ijoro ryo kuri uyu wa Kane tariki ya 5 Gashyantare 2026, Tukowote yari yanditse agaragaza ko agiye ‘kudohoka’ (mu mvugo z’ubu zijyanye no gufata icyemezo cyo kurushinga).
Tukowote amaze imyaka 17 ari muri Cinema. Muri iyi myaka yose amaze, yemeza ko amaze gukina muri filime zirenga 160.
Yaba mu Rwanda no mu mahanga yagize izina rikomeye, ndetse abasha no gutwara ibikombe bitandukanye. Muri iki gihe, agezweho cyane binyuze muri filime zirimo "Bamenya".
Tukowote yambitse impeta y'urukundo umukunzi we bamaranye umwaka urenga mu rugendo rw'urukundo
Tukowote yavuze ko azarushinga n'umukunzi we muri uyu mwaka wa 2026
Tukowote n'umukunzi we, ubwo yamwambikaga impeta