Uyu muhango w’icyubahiro wabaye ku munsi wa kabiri w’uruzinduko rw’amateka rw’Umwami Charles III muri Amerika, waranzwe n’ubusabane, icyubahiro ndetse n’amagambo ya Trump yasize benshi bamwenyura.
Trump yavuze ko nyina, Mary Anne MacLeod Trump, ukomoka muri Scotland, yari afitiye Umwami Charles III urukundo rudasanzwe kuva kera. Yagize ati: “Mama wanjye yakundaga cyane Umwami Charles. Yahoraga amubona nk’umugabo mwiza kandi ufite igikundiro.”
Aya magambo ya Trump yakurikiwe n’ibitwenge byinshi n’amashyi y’abari muri uwo muhango, aho benshi babifashe nk’ikimenyetso cy’umubano mwiza hagati y’impande zombi.
Trump n'umugore we Melania Trump bakiriye Charles III na Camilla mu buryo bwa gihanga, harimo gucurangwa kw’indirimbo z’ibihugu byombi, parade ya gisirikare ndetse n’ibiganiro byihariye byibanze ku mubano wa Amerika n’u Bwongereza.
Uru ruzinduko rwafashwe nk’intambwe ikomeye mu gukomeza umubano wa dipolomasi hagati y’ibihugu byombi, mu gihe Trump yashimangiye ko umubano wa Amerika n’ubwami bw’u Bwongereza ukomeje kuba ntagereranywa.
Abasesenguzi bagaragaje ko amagambo ya Trump yoroheje ikirere kandi agaragaza uburyo ashaka kwerekana ko umuryango we ufite inkomoko n’amarangamutima akomeye bifitanye isano n’u Bwongereza.
Ni inkuru yakomeje kuvugisha benshi, aho Trump atongeye gusa kwakira Umwami nk’umuyobozi, ahubwo yanamwakiranye urugwiro rw’umuntu ufite amateka yihariye mu muryango we.