Ibi byabaye ku Cyumweru,
tariki ya 25 Ukwakira 2026, ubwo Trump yari yitabiriye igikorwa cyabereye muri
McMorran Place Arena, mu mujyi wa Port Huron, ari kumwe na Nicki Minaj bari
bahuriye mu ndege yihariye ya Perezida wa Amerika, Air Force One.
Mu ijambo rye, Trump
yavuze amagambo atunguranye agira ati: “Ikindi kandi, nabonye ikibuno cyiza
cyane, ni icya Nicki Minaj. Biragoye kutakibona.”
Nyuma y’ayo magambo,
Trump yasabye Nicki Minaj guhaguruka, bituma abari aho bamukomera amashyi.
Yanavuze ko yiringiye ko uwo muraperikazi atarakajwe n’ibyo yari amaze
kumuvugaho.
Trump yongeyeho ko akunda
Nicki Minaj kandi ko amaze igihe kinini amushyigikira.
Aya magambo yakurikiye
andi aherutse kuvugwa na Trump ku mubiri wa Jon Husted, Senateri wo mu Ishyaka
ry’Aba-Republican uhagarariye Leta ya Ohio, na we wigeze gukina umupira
w’amaguru muri kaminuza.
Mu ntangiriro z’Ukwakira
2026, Trump yavuze ko adakunze kwitegereza abagabo muri ubwo buryo, ariko ko
yatunguwe n’imiterere y’umubiri wa Husted amaze kumenya ko yari umukinnyi
ukomeye.
Yagize ati: “Natangiye
kwitegereza umubiri we kuko ntari nzi ko yari umukinnyi ukomeye.
Naramwitegereje kuva hejuru kugeza hasi, ndeba ikibuno cye n’umubiri we wose,
nyuma ndeba n’amaboko ye.”
Trump yakomeje avuga ko
amaboko ya Husted asa n’amano y’inyamaswa zifite inzara, mbere yo kumushimira
ku buhanga yari yaragaragaje mu mikino.
Amagambo Trump yavuze kuri Nicki Minaj yongeye kuvugisha abantu ku mbuga nkoranyambaga, cyane cyane bitewe n’uko yayavugiye mu ruhame imbere y’imbaga yari yitabiriye icyo gikorwa.
Perezida Trump yigeze no kuvuga ko akunda inzara za Nicki Minaj