Aka gace kasorejwe i Foix karanzwe n'uko abakinnyi 34 bacitse hakiri kare, ndetse igikundi kinini cyari kirimo abahatana ku mwanya wa mbere kinanirwa kubafata mbere yo kugera ku murongo usoza.
Pedersen ukinira ikipe ya Lidl-Trek yagaragaje imbaraga n'ubuhanga, afashijwe cyane n'abagenzi be, by'umwihariko Matias Vacek, wamugejeje neza ku murongo wa nyuma, ndetse na Quinn Simmons, warangije ari uwa kabiri nyuma yo gukorera mugenzi we akazi gakomeye.
Uyu Munya-Dernmak yahise yambara n'umwambaro w'icyatsi uhabwa umukinnyi uyoboye amanota mu gusiganwa ku muvuduko, nyuma yo gutsinda sprint ya nyuma neza. Ku rundi ruhande, Torstein Traeen wo mu ikipe ya Uno-X Mobility ni we wabaye inyungu ikomeye muri aka gace, kuko yari ari imbere ku rutonde rusange mu bari bacitse. Kuba igikundi cyari kirimo Tadej Pogačar cyatinze kugera ku murongo usoza byatumye Traeen amurusha igihe gihagije, ahita amwambura umwambaro w'umuhondo.
Traeen ubu ayoboye urutonde rusange arusha amasegonda 28 Sean Quinn ukinira EF Education-EasyPost, mu gihe Pogačar yasoje aka gace ari uwa 33, asizwe iminota 12 n'amasegonda 59, ahita amanuka ku mwanya wa kane mu rutonde rusange.
Ku munsi w'ejo kuwa gatatu irushanwa rirakomeza n'agace ka gatanu, Aho abaasiganwa baza guhaguruka Lannemezan berekeza pau Ku ntera ya kilometero 158.3.
