Ikipe ya Arsenal ishobora gutakaza abakinnyi bayo babiri bakomeye uyu mwaka nyuma yaho rutahizamu wayo akaba na kapiteni Robin Van Persie atangarije ko atazongera amasezerano afitanye n’iyi kipe. Theo Walcot incuti ikomeye ya Van Persie nawe akaba ashobora kumukurikira dore ko nawe amasezerano ye asigaje umwaka umwe gusa.
Iyi ni inkuru mbi ku ikipe ya Arsenal n’abakunzi bayo bakomeje gutakaza abakinnyi bayo bakomeye bajya mu makipe y’amakeba bakurikiye ibikombe n’amafaranga.
Theo walcot ufite imyaka 23 uri gushakwa n’ikipe ya Chelsea yababajwe cyane n’icyemezo cya Van Persie, akaba yari yaravuze ko azaguma muri Arsenal ari uko iguze abakinnyi kandi Van Persie akahaguma.
Ikipe ya Arsenal yifuza kongera imyaka ine ku masezerano ya Walcot ndetse ikamwongerera umushahara, Walcot ubusanzwe uhembwa ibihumbi 55 by’amapawundi yazajya ahembwa ibihumbi 90.
Aba basore bombi basabye ikipe ya Arsenal kugura abakinnyi bakomeye ndetse igafata umurongo wo gushaka ibikombe aho gucuruza.
Source: The sun
Rutaganda Ponny