The Ben, Kivumbi, Bwiza, Chriss Eazy, Riderman na Senderi mu bataramye mu birori byo 'Kwita Izina'-AMAFOTO

Kuri uyu wa Gatanu tariki ya 4 Nzeri 2026 mu Karere ka Musanze mu Kinigi, habereye umuhango wo Kwita Izina abana 22 b’ingagi mu gikorwa ngarukamwaka kiba buri kwezi kwa Cyenda kigamije kurengera urusobe rw’Ibinyabuzima.

Kuva Kwita Izina yagirwa umuhango ngarukamwaka mu 2005, ingagi 438 zimaze guhabwa amazina. Kwita Izina kandi igaragaza isano iri hagati yo kubungabunga ibidukikije, ubukerarugendo n’iterambere ry’abaturage.

Binyuze muri gahunda yo gusaranganya abaturage inyungu zituruka ku bukerarugendo, 10% by’amafaranga ava mu bukerarugendo bwo muri pariki z’igihugu asubizwa mu mishinga iteza imbere abaturage batuye hafi y’ahantu harinzwe.

Kugeza ubu, Miliyari zisaga 23 Frw zimaze gushorwa mu mishinga y’abaturage igera ku 1,300, irimo amashuri, ibigo nderabuzima, ibikorwaremezo by’amazi n’imishinga iteza imbere imibereho y’abaturage.

Muri uyu muhango wabaye ku nshuro ya 21, abahanzi batandukanye bakunzwe n’abatari bake basusurukije abitabiriye. Abo barimo Kivumbi, Ariel Wayz, Juno Kizigenza, Bwiza, Riderman, Chriss Eazy, Kenny Sol na Senderi International Hit.

Hari kandi na The Ben wari Umuhanzi Mukuru, akaba yaririmbye indirimbo zitandukanye zahagurukije abitabiriye ibi birori, zirimo iyo aheruka gushyira hanze yise "Inshallah".

The Ben yataramiye abitabiriye umuhango wo Kwita Izina abana b'Ingagi ku nshuro ya 21

Kivumbi King yataramiye abitabiriye umuhango wo Kwita Izina abana b'Ingagi ku nshuro ya 21

Juno Kizigenza yataramiye abitabiriye umuhango wo Kwita Izina abana b'Ingagi ku nshuro ya 21

Riderman yataramiye abitabiriye umuhango wo Kwita Izina abana b'Ingagi ku nshuro ya 21